ބަނގުލަދޭޝްގެ ވަގުތީ ސަރުކާރުން ކުރީގެ ރައީސް ޝައިޚް ޙަސީނާ ގެ ޕާޓީ ހިންގުން މަނާކޮށްފިކަމަށް ޚަބަރު ލިބެއެވެ.
ޙަސީނާ ގެ ވެރިކަން ވެއްޓިފައިވަނީ ކިޔަވާކުދިން ނިކުމެ ކުރި ވަރުގަދަ މުޒާހަރާތަކާއި ގުޅިގެންނެވެ. ޙަސީނާ ވެރިކަން ދޫކުރައްވާ ފިއްލެވީ އިންޑިޔާ އަށެވެ. އިންޑިޔާ އަކީ ޙަސީނާގެ ޚުދުމުޚުތާރު އަނިޔާވެރި ވެރިކަން ދެމެހެއްޓުމުގައި އެންމެ ބޮޑު އެހީތެރިކަމެއް ވެދިން ޤައުމެވެ. ޙަސީނާގެ ސިޔާސަތާއި ދެކޮޅު ދީނީ ޢިލްމުވެރިންނާއި ސިޔާސީ ފަރާތްތައް ދަންޖައްސައި ވީ ނުވީއެއް ނޭނގޭ ގޮތަށް ނިޒާމުން ގެއްލުވާލާ ހެދިއިރު ދެކޮޅަށް އެއްޗެއް ނުބުނެ އިންޑިޔާ އޮތުމުންނާއި ޙަސީނާގެ މައްޗަށް އުފުލިފައިވާ ދަޢްވާ ތަކާއި ގުޅިގެން ޙަސީނާ ބަނގުލަދޭޝް އާއި ހަވާލު ކުރުމަށް އިންޑިޔާ ދެކޮޅު ހަދަމުން އައުމާއި ގުޅިގެން ބަނގްލަދޭޝްގެ ސަރުކާރާއި އިންޑިޔާ ސަރުކާރުގެ ގުޅުންތައް ގޯސްވެފައިވެއެވެ.
ޙަސީނާގެ ވެރިކަމުގައި އިންޑިޔާގެ ނުފޫޒަށް މާބޮޑަށް ބަރޯސާ ވުމުގެ ސަބަބުން ބަނގުލަދޭޝް އާއި ޕާކިސްތާނުގެ ގުޅުން ހީނަރު ވެފައި ވެއެވެ ، އަދި ކުރިން އަފްޣާނިސްތާނުގައި އޮތް ސަރުކާރާއި އިންޑިޔާ އާއި އޮތް ގުޅުން ބަދަހިވެގެން ދިޔުމުން އަފްޣާނިސްތާއި ޕާކިސްތާނު ގެ ގުޅުން ވެސް ހީނަރުވެފައިވެއެވެ . އިންޑިޔާ ގެ ނުފޫދް ފޯރުވައިފި ޤައުމެއް ނަމަ ޕާކިސްތާއި ދެކޮޅުވެރި ކުރުވުމަކީ އިންޑިޔާ ގެންގުޅެމުން އަންނަ ސިޔާސަތެއް ކަމަށް ސިޔާސީ މުހައްލިލުން ވިދާޅުވެއެވެ.
