މުރްސީ ވައްޓައިލި އަސްކަރީ ސީސީ

(އަލީ)

ސިސީ އަކީ ޑރ.މުޙައްމަދު މުރުސީ ގެ ޑިމޮކްރެޓިކް ވެރިކަން ސިފައިންގެ ބަޣާވާތަކުން ވައްޓާލުމަށް ފަހު ވެރިކަމަށް އައިސްފައިވާ އަސްކަރީ ވެރިއެކެވެ.

ސީސީ ވެރިކަމަށް ގެނައީ އެމެރިކާ އާއި އިޒްރޭލު ބޭނުންވެގެން ކަން މިޞްރުގެ ރައްޔިތުންނަށް އެނގެއެވެ. އެއީ ޑރ.މުޙައްމަދު މުރުސީ ހުންނަވައިގެން ފަލަސްޠީނުގެ ބިންތައް އަތުނުލެވޭނެތީ ކުރުވިކަމެއްކަމަށްވެއެވެ، މުރުސީ ވެރިކަމަށް އައުމަށް ފަހު ވެސް މުޙައްމަދު މުރުސީ އަށް މިޞްރުގެ ރައްޔިތުން ގެ ތާއީދު ބޮޑުކަން އެނގުމުން ތާކުންތާކު ނުޖެހޭ ތަފާތު ބަހަނާތަކާއި ތުހުމަތުތައް ކުރުމަށް ފަހު މުރުސީ ޖަލަށްލިއެވެ. އެއަށް ފަހު ޖަލުގައި ބަހައްޓައި ގެން ހިންގި ޝަރީޢަތެއްގައި ހުންނަވަނިކޮށް އަވަހާރަވެ ވެއްޓިވަޑައިގަތެވެ. މިޞްރުގެ ރައްޔިތުން މިއަދާއި ހަމައަށް ވެސް ޤަބޫލުކުރާނީ ، އެމަނިކުފާނު އަވަހާރަ ކޮށްލީ ކަމަށެވެ. މިޞްރުގެ ކޯޓުތަކުން ޙުކުމްކުރަނީ ، ސަރުކާރުން ބޭނުންވާ ގޮތަށްކަމަށްވުމުން ރައީސް މުރުސީ ޖަލުން މިނިވަން ނުކުރާނެކަމަށް އޭރު ވެސް މިޞްރުގެ ރައްޔިތުން ބުނަމުން އައެވެ.

ސީސީ އާއި ވާދަވެރި ސިޔާސީ ފަރާތްތަކާއި މެދު ކިތަމެ އިހާނެތިކޮށް ކިތަމެ ބޮޑެތި ޖަރީމާތައް ހިންގި ނަމަވެސް އިޒްރޭލްގެ މަޞްލަޙަތު ހިމާޔަތްކޮށްދޭ ވެރިއަކަށްވާތީ ، އެމެރިކާ އަކަށް އަދި ހުޅަގުގެ އެއްވެސް ޤައުމަކަށް ސީސީ ގެ ވެރިކަން ގޯހެއް ނުވެއެވެ.

މިޞްރު ވިޔަސް ސައޫދީ ވިޔަސް އުރުދުން ވިޔަސް ބަހުރައިން ވިޔަސް ސަރުކާރުން ކުރާކަމަކާއި ދެކޮޅަށް ރައްޔިތަކު އެއްޗެއް ބުނެ ޚިޔާލު ފާޅުކުރުމަކީ ، އެމީހެއްގެ މުޅި ޢާއިލާގެ ފުރާނަ ނުރައްކަލަށް ކުރިމަތިލާންޖެހޭ ކަމެކެވެ.

ބުނެވުނު ހުރިހާ ޤައުމަކީ ،ވެސް ރައްޔިތުންގެ މާބޮޑު ބައިވެރިކުރުވުމެއް ނެތި ވެރިކަންކުރާ އެމެރިކާއަށް ބަރޯސާ ވެފައިވާ ޤައުމުތަކެވެ. މިޤައުމުތަކަކީ، ޢާއިލީ ވެރިކަން ދެމެހެއްޓުމަށްޓަކައި އަމިއްލަ ޤައުމުގެ ރައްޔިތުންނާއި މެދު އިންސާނިއްޔަތާއި ޚިލާފު ބޮޑެތި ޖަރީމާތައް ހިންގާ ޤައުމުތައް ކަމަށް ވުމުން އިޒްރޭލުން ފަލަސްޠީނުގެ ބިންތައް ފޭރިގަތުމަށް ހިންގާ ޤަތުލު ޢާއްމު ތައް ކުށްވެރިކޮށްލައި ބަޔާނެއްނެރުން ފިޔަވައި ، ޢަމަލީގޮތުން އިތުރުކަމެއް ކުރަން ނުކެރޭނެ ކަން އިޒްރޭލަށް އެނގެއެވެ. އެމެރިކާ އިރާން ގެ ދުވަސް ދުއްވާލަން އުޅުމުގެ ޙަޤީޤަތަކީ ، ނިޔުކުލިއަރ ހަތިޔާރު އުފެއްދުމެއް ނޫނެވެ. އިޒްރޭލު ހިމާޔަތްކުރުމެވެ.

އެމެރިކާ ވެސް އިޒްރޭލު ވެސް ބޭނުންވަނީ ، އީރާނުގެ އިސްލާމީ އިންޤިލާބު އައުމުގެ ކުރިން އީރާނުގައި ވެރިކަން ކުރި ޝާހުގެ ސެކިއުލަ ވެރިކަން ފަދަ ނުވަތަ މިޞްރާއި ، ސައޫދީ އާއި އުރުދުން އާއި ޔޫ. އޭ. އީ ފަދަ އެމެރިކާއަށް ބަރޯސާވާާ އިޒްރޭލަށް ނުރައްކަލެއް ނެތް ވެރިކަމެއް އީރާނުގައި އޮތުމަށްކަމަށްވެއެވެ.