މިއީ 1979 ގައި އީރާނުން ގެނައި އިންގިލާބަށް ފަހު 47 ވަނަ އަހަރީ ދުވަސް ކަމަށް ވުމާއި އެކު، ފަތިސް ގަޑީގައި ދުޝްމަނުން ޙަމަލާއެއް ދީފާނެ ކަމަށްޓަކައި އީރާނުގެ ސެކިއުރިޓީ އެންމެ މަތީ ދަރަޖަޔަށް ޖައްސާލައިފިއެވެ.
އީރާނު ވަށައިގެން ދުރުދުރުން އެމެރިކާގެ އެންމެ ވަރުގަދަ މަނަވަރުތައް ދަތުރުކޮށް މުގޯލި އެބަ އަޅައެވެ. ނަމަވެސް އީރާނުގެ ރަސްމީ ސަރަޞައްދަކަށް އެއިން އެއްވެސް ބޯޓެއް ނުވަދެއެވެ. ދަތުރު ކުރަމުންދަނީ އީރާނުގެ ކަ ޑުގެ ސަރަޙައްދުން ބޭރުންނެވެ.
ކަނޑު އަޑިއާއި ޖައްވާއި އަދި ބިމުގެ އެކި ސަރަޙައްދުތައް އީރާނުން ގެންދަނީ މޮނިޓާ ކުރަމުންނެވެ. މީގެ އިތުރުން ޢާންމުންނަށް ރައްކާތެރިކަމާއި އެކު ތިބެވޭނެ ގޮތަށް މެޓްރޯ ސްޓޭޝަންތަކުގައި މިރޭ ވަނީ އިންތިޒާމް ހަމަޖައްސާފައެވެ.
އަހަރީ ދުވަހާއި ގުޅިގެން އީރާނުން މިރޭ ވަނީ ޖަލްސާއެއް ވެސް ބާއްވާފައެވެ. މި ޖަލްސާފައި ޚާމަނާއީ ވަނީ ވީޑިއޯ މެސެޖެއް ފޮނުއްވާފައެވެ.
