ރާއްޖެއިން ބޭރުގައި ތިބެގެން ކިޔަވަމުންދާ ކުދިންނަށް ބޭންކް އޮފް މޯލްޑިވްސް މެދުވެރިކޮށް ކޮންމެ މަހަކަުވެސް 500 ޑޮލަރުގެ ލިމިޓް 1250 ޑޮލަރަށް ބޮޑުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެފައި ވަނިކޮށް އެ ޢަދަދު 750 ޑޮލަރު ކަމަށް ކަނޑައަޅައި ބޭންކުން އީމެއިލް ފޮނުވަމުންދާ ކަމަށް ބުނެ ދައްކަމުންދާ ވާހަކައަކީ ކަނޑައެޅިގެން ބޮޑު އޮޅުވާލުމެކެވެ.
750 އޭ ކިޔައި ބޭންކުން މެސެޖެއް އެބަ ފޮނުވާތަ
ބޭންކުން ކަސްޓަމަރުންނަށް މެސެޖް އެބަ ފޮނުވައެވެ. ނަމަވެސް ސްޓޫޑެންޓް ވިސާގެ 1250 ލިމިޓަށް އެދިފައިވާ އެއްވެސް ސްޓޫޑެންޓަކަށް ބީއެމްއެލް އިން އެ މެސެޖެއް ނުފޮނުވައެވެ. އެފަދަ މެސެޖުތައް ދާނީ ހަމައެކަނި ސްޓޫޑެންޓް ވިސާ ނޫން އެހެނިހެން ވިސާގައި ތިބި ފަރާތްތަކަށެވެ. ތިރީގައި މިވަނީ އޭގެ ސްކްރީންޝޮޓެކެވެ.
ބީއެމްއެލް އިން ބުނީ އެ ބޭންކުގެ އެޕް މެދުވެރިކޮށް ސްޓޫޑެންޓް ވިސާގައި ތިބި ފަރާތްތައް އެޕްލައި ކުރާތާ ބަރާބަރު 1 ދުވަސްތެރޭ ޑޮލަރު ލިމިޓް 1250 އަށް ހަމަޖެހޭނެ ކަމަށެވެ.
