ޠައިބާ ޙައްޖު ޢުމްރާ ގްރޫޕްގެ މުއައްސިސް ޝައިޚް ފަރީދު(رحمه الله) ނިޔާވުމަށްފަހު ޝޭހުގެ ލެގެސީ ހިފެހެއްޓުމަށް ޠައިބާ ޙައްޖު ޢުމްރާ ގްރޫޕުން މިހާރު މަސައްކަތްތައް ކުރިޔަށް ގެންދަނީ ޝޭހުގެ ދަރީންނާއި އެކުގައެވެ.
ޠައިބާ އިން ބުނީ މި އަހަރުގެ ޖުލައި މަހުވެސް އެ ގްރޫޕްގެ ފަރާތުން 184 ޢުމްރާވެރިން ވަނީ ޢުމްރާގެ އަޅުކަން ފުރިހަމަ ކަމާއިއެކު އަދާކޮށް ނިންމާފައި ކަމަށާއި، އެ ފަހަރު އަޅުކަ ަށް ދިޔަ މީހުން އުއްމީދު ކޮށްގެން ތިބީ ޝެއިޚް ފަރީދު އާއި އެކު އަޅުކަމުގެ ކަންކަން ފުރިހަމަކޮށް ދަރުސްތައް ލިބިގަތުމަށެވެ.
“ޢާންމުންގެ ތެރެއިން ގިނަ ބަޔަކު ފާހަގަ ކުރި ގޮތުގައި މި ގްރޫޕްއިން ފައިސާ ދެއްކީ ޝޭޚް ފަރީދުއާއިއެކު ޢުމްރާއަށް ދިޔުމަށް، އެހެންނަމަވެސް ދަތުރު ނިންމާފައި އައިރުވެސް ޝޭޚް ފަރީދު ނެތްކަމުގެ އިޙްސާސް ނުކުރެވުނު ކަމަށް އާންމުންގެ ތެރެއިން ގިނަ ބަޔަކު ފާހަގަ ކުރި”، ޠައިބާ ގްރޫޕް ހިންގެވުމާއި ޙަވާލުވެ ނުންނެވި އެންމެ އިސް ވެރިޔާ ޝާމީ ރަޝާދު ވިދާޅުވިއެވެ.
ޝާމީ ރަޝާދު ފާހަގަ ކުރެއްވި ގޮތުގައި ޠައިބާ ޙައްޖު ޢުމްރާ ގްރޫޕްގެ ފަރާތުން އަބަދުވެސް މަސައްކަތް ކުރާނީ ރާއްޖޭގެ ތަޖުރިބާކާރު ދީނީ ޢިލްމުވެރިން ދަތުރުތަކުގައި ގެންދިޔުމަށާއި ޢުމްރާވެރިންނަށް އެންމެ ޞައްޚަ ގޮތުގައި ޢުމްރާގެ އަޅުކަން އަދާ ކުރާނޭ ގޮތް ކިޔައިދިނުމަށެވެ.
ދިވެހިންނަށް ތަފާތު ތަޖުރިބާއެއް
ޖުލައި ޢުމްރާ ދަތުރުގައި ޠައިބާ ގުރޫޕާއި އެކު ދަތުރުކުރި ދިވެހީން ވަނީ އަބޫޖަހުލު މަރައިލި ބަދުރު ހަނގުރާމަ ހިނގި ސަރަޙައްދަށް ގޮސް، އެތަނުގެ ވަރަށް ގިނަ މަޢުލޫމާތުތައްވެސް ހޯދާފައެވެ. ޝާމީ ވިދާޅުވީ ބަދުރުގެ މައިދާނަށް ޒިޔާރަތްކޮށް އެ ޞަރަހައްދުގައި ބަދުރުގެ ހަނގުރާމަ ހިނގާދިޔަ ގޮތުގެ މަޢުލޫމާތު އާންމުންނަށް ހިއްސާ ކުރުމަކީ ލިބުނު ހިތްހަމަޖެހުމެއް ކަމަށެވެ. މީގެ އިތުރުން ދުނިޔޭގެ އެންމެ ބޮޑު މުޞްހަފް ކާރުހާނާއަށް ޒިޔާރަތްކޮށް އެތަނުގައި މަސައްކަތްތައް ކުރަމުންދާ ގޮތްވެސް ވަނީ އާންމުންނަށް ދައްކާލާފައި ކަމަށް ޝާމީ ވިދާޅުވިއެވެ.
ޝޭހު ނިޝާން ތަފާތު
ޠައިބާ ގުރޫޕްގެ ހަވާލުގައި ޢުމްރާއަށް ވަޑައިގެންނެވި ގިނަ ބޭފުޅުން ފާހަގަ ކުރެއްވި ގޮތުގައި ޝޭޚް ނިޝާންގެ ހިތްތިރިކަމާއި ވައުޟާއި ނަސޭހަތަކީ ބަޔާންކޮށްދެން ނޭނގޭހާ ފުރިހަމަ ނަސޭހަތްތަކެކެވެ.
ޢުމްރާވެރިން ބުނީ ޠައިބާއިން ބަހައްޓާ ގާތްކަމަކީލާމަސޅު މިސާލެއް ކަމަށާއި ޠައިބާ އާއި އެކު އަދިވެސް ޢުމްރާ ދަތުރު ކުރާ ހިތްވާ ކަމަށެވެ.
ޢުމްރާވެރިން ބުނާ ގޮތުގަތުގައި ޠައިބާ ގުރޫޕާއެކު ދަތުރުކުރުކުރުމުން ފާހަގަ ކުރެވުނީ އެކުވެރިކަމާއި ގާތްކަމެވެ. އަޅަލުމާއި އޯގާތެރިކަމެވެ. ބީރެއްޓެހިކަމެއް އިޙްސާސް ނުކުރެވޭ ކަމެވެ. ޚާއްޞަކޮށް ޝޭހު ނިޝާނުގެ ކީރިތި މޫރިތި ދަރުސްތަކުން ޢުމްރާވެރިންގެ ހިފެހެއްޓުމެއް ނެތް ޝުކުރުތައް ބަރުތީލަ ކުރަނީ ހަމަ ގައިމުވެސް ސަބަބުތަކެއް ނެތިއެއް ނޫނެވެ. ޝޭހު ނިޝާން ހަމަ ތަފާތީއެވެ.
ޠައިބާ އާއި އެކު ޢުމްރާގެ އަޅުކަމެއް ފުރިހަމަކޮށްފި މީހަކަު ހަމަ ގައިމުވެސް އެ ގުރޫޕްގެ ރަނގަޅު ވާހަކަ ނޫން ދެވަނަ ވާހަކައެއް ނުދައްކައެވެ. މީގެ ކުރިން ވެސް އެތައް ބަޔަކު އެތައް ގުރޫޕަކާއި އެކު މައްކާ އަށާއި މަދީނާ އަށް ވަޑައިގަތެވެ. ޠައިބާ ގުރޫޕާއި ބެހޭ ގޮތުން މިހާތަނަށް ބިތުފަންގި އަށް އިވިފައިވަނީ މުޅިންވެސް ތަޢުރީފުގެ ބަސްތަކެވެ. ވާނީވެސް އެހެންތާއެވެ. ޠައިބާ އަކީ ކުރުކޮށް ބުނާނަމަ ޝައިޚް ފަރީދު(رحمه الله) އެވެ. އެ މަނިކުފާނު މިއަދު ދުނިޔޭގައި ނެތަސް އެ ގުރޫޕުގައި އިސްކޮށް އެ ތިއްބެވީ ޝައިޚް ފަރީދު(رحمه الله) ތަމްރީނުކޮށް އެމަނިކުފާނުގެ ގާތުން ދަރިވަރުވި އަޚުންނެވެ.
މިވަގުތުވެސް ޠައިބާ ގްރޫޕްގެ ފަރާތުން ދަނީ ހަލުވިކަމާއެކު ސެޕްޓެމްބަރު އަދި ޑިސެމްބަރުގެ ޖާގަތައް މީހުންގެ ނަންނޯޓް ކުރަމުންނެވެ. ނަންނޯޓް ކުރަން ބޭނުންވާ ފަރާތްތަކުން ލަސްނުކުރައްވާ ޠައިބާގެ ހޮޓްލައިން ނަމްބަރު 9192991 ގުޅައިގެން ކުރިޔަށް ގެންދެވޭނެ ކަމަށް ޓީމްގެ ފަރާތުން ވަނީ ބުނެފައެވެ.
ޠައިބާ ޙައްޖު ޢުމްރާ ގުރޫޕުން ބުނީ އެ ގުރޫޕްގެ މުއައްސިސް އަދި ރާއްޖޭގެ މަޝްހޫރު ދީނީ ޢިލްމުވެރިޔާ ޝެއިޙް އިބްރާހިމް ފަރީދު (رحمه الله)ގެ ދަޢުވަތުގެ ބުރަ މަސައްކަތް ދެމިގެންދާނެ ގޮތަކަށް ، ޠައިބާ ޙައްޖު ޢުމްރާ ގްރޫޕްގެ މަސައްކަތް ނުހުއްޓި ކުރިޔަށް ގެންދާނެ ކަމަށެވެ.
