އަވަށްޓެރިންނަށް ޢާއްމު ކޮށް އުނދަގޫކޮށް ފުރައްސާރަކުރާ ދެ އަންހެނަކު ހައްޔަރުކޮށްފި .
ހދ.ކުޅުދުއްފުށީގެ އެއް ޢާއިލާއެއްގެ ދެ އަންހެނަކު އިއްޔެ ހައްރުކޮށްފައިވާކަމަށް ވެއެވެ. އެދެމީހުން ހައްޔަރުކުރިކަމަށްވަނީ ، އަވަށްޓެރިންނަށް އުނދަގޫކޮށް ފުރައްސާރަ ކުރުމުގެ ސަބަބުން އަވައްޓެރިންނަށާއި ، އަވައްޓެރިންގެ ދަރިންނަށް ނަފްސާނީ މައްސަލަ ތަކެއް ކުރިމަތިވީ ފަހުން ކަމަށްވެއެވެ. ކުޅުދުއްފުށީ މެޖިސްޓްރޭޓު ކޯޓުން ވަނީ އެދެމީހުން ނަކީ މުޖުތަމަޢަށް ނުރައްކާތެރި ދެމީހުންކަމަށް ކަނޑައަޅައި ، ދެމީހުން ވެސް ކަސްޓޯޑިއަލް ޖަލެއްގައި ދިހަ ދުވަހަށް ބަންދުގައި ބޭތިއްބުމަށް ޢަމުރު ކޮށްފައެވެ. ހައްޔަރު ކޮށްފައިވަނީ ، ކުޅުދުއްފުށީ ، ދޭދަރުގެ ޞަމީރާ ޢަލީ އާއި އެގޭ ލީޝާ ޢަލީ އެވެ.
ޞަމީރާ ޢަލީ އަކީ އަވައްޓެރިންނަށް ތަކުރާރުކޮށް ޢާއްމު އުނދަގޫކުރާ މީހެއްގޮތުގައި ފުލުހުންނަށް ޝަކުވާ އަންނަ މީހެއްކަމަށް ވެއެވެ. މީގެ ކުރިންޞަމީރާ ޢަލީ ވަނީ ، އޭނާ ކައިވެނި ކޮށް ވަރިކޮށްފައިވާ މީހަކު ގެވެށި އަނިޔާ ކުރާކަމަށް ބުނެ ގެވެށި އަނިޔާއިން ރައްކާތެރިކޮށް ދިނުމުގެ އަމުރަކަށް އެދި ކުޅުދުއްފުށީ މެޖިސްޓްރޭޓު ކޯޓަށް ހުށަހެޅި މައްސަލައެއް އަނބުރާ ގެންދިޔުމަށް ބަޔާނެއް ދީ އިނގިލީގެ ނިޝާންޖަހައި ސޮއިކުރުމަށް ފަހު އޭރުގެ ހދ ޖުޑީޝަލް ދާއިރާގެ އިސްމެޖިސްޓްރޭޓް އަލްއުސްތާޛް ޢަލީ އާދަމުގެ މައްޗަށް ސުލޫކީ މައްސަލައެއް ޞަމީރާ ޢަލީ ހުށަހެޅުމުން އެމައްސަލާގައި އޭރު ގެ ޖޭ އެސް .ސީ އިން ބަލަންވީވަރަށް ނުބައްލަވައި ، އުސްތާޛް ޢަލީ އާދަމްގެ މައްޗަށް ސުލޫކީ ފިޔަވަޅު އަޅާފައިވާކަމަށް ވެއެވެ.
އެމައްސަލަ ބެއްލެވި ކޮމެޓީގެ އިސް މީހަކަށް އިންނެވީ ސްޕްރީމް ކޯޓުގެ ފަނޑިޔާރު ސުޒޫނެވެ. އޭރު ޖޭ.އެސް.ސީ ގެ މެޖޯރިޓީ އޮތީ އެމް.ޑީ.ޕީ ސަރުކާރުގެ ސިޔާސީ އެކްޓިވިސްޓުންގެ މައްޗަށް ފާހަގަކުރެވިފައިވެއެވެ. ހައްޔަރު ކުރެވުނު ދެ އަންހެނުންނަކީ ވެސް އެމް.ޑީ.ޕީ ގެ ސިޔާސީ ޚަރާމާތްތަކުން ޢާއްމުކޮށް ފެންނަ ދެމީހުންކަމަށް އެރަށުން މަޢްލޫމާތު ލިބިފައިވެއެވެ. ދާދި ފަހުން ކުޅުދުއްފުށީގެ ގެއަކަށް ގޮސް ބަޔަކު ޒުވާބު ކުރި ވީޑިޔޯ އަކުން ހައްޔަރު ކުރެވުނު ދެމީހުންމުރެ ލީޝާ ޢަލީ މީހަކާ ހުތުރުގޮތަކަށް ޒުވާބު ކުރާ މަންޒަރު ފެނެއެވެ.
