އެމެރިކާގެ ރައީސް ޑޮނަލްޑް ޓްރަމްޕް އިސްނަގައިގެން ހުށަހަޅާފައިވާ “ޕީސް ބޯޑު” އާއި މެދު ބައިނަލްއަޤްވާމީ ބޮޑެތި ކަންބޮޑުވުން ތަކެއް އުފެދެމުން އަންނައިރު، ބައެއް ސަރުކާރުތަކާއި މުހައްލިލުން ބުނަނީ ޔޫ. އެން. އަކަށް ޣައްޒާގ ހަނގުރާމަ އާއި ޔޫރަޕްގެ ހަމަނުޖެހުންތައް ހައްލު ނުކުރެވުނު ކަމަށާއި، އެހެންކަމުން ބައިނަލްއަޤްވާމީ ބޮޑެތި ހަމަނުޖެހުންތައް ހައްލުކުރުމަށް ޖަމާއަތެއް އުފައްދަނީ ކަމަށެވެ. އަދިޓްރަމްޕް އިސްނަގައިގެން އެކުލަވާލާ ބޯޑަކީ އދ. އަށް ވުރެ ބާރު ގަދަ ވާނެ ބޯޑެއް ކަމަށް ބެލެވޭ ކަމަށެވެ.
މި ބޯޑު އެކުލަވައިލީ ވެސް 99 ޕަސަންޓް އެމެރިކާގެ މީހުންނާއި އެކުގައެވެ
ދުނިޔޭގައި ޞުލްޙަ ޤައިމް ކުރުމަށް އޮތް އދ އަށް ޣައްޒާ ހަނގުރާމަ އާއި ސޫދާންގެ ދާޚިލީ ހަނގުރާމަ އާއި ޔުކްރޭނު ހަނގުރާމަ ނުހުއްޓުވުނެވެ. އ.ދ. އިން ވަނީ އެކަމުގައި ފެއިލް ވެފައެވެ.
އަނެއްކޮޅުން އ.ދ. ގެ ގުނަންތަކުން އަންގާ އެންގުންތަކަށް ބާރުގަދަ ޤައުމުތަކުގެ ވެރީން ޢަމަލެއް ވެސް ނުކުރެއެވެ. ބައިނަލްއަޤްވާމީ ކޯޓުގެ އަމުރަކަށް ތަބާ އެއް ނުވެއެވެ. ނަތަންޔާހޫ ހައްޔަރުކުރަން ކުރި އަމުރަށް އެމެރިކާ އިން ހަޖޫ ޖެހީއެވެ. އެއަށްފަހު ދެން މި ފެނުނީ ޕީސް ބޯޑަށް ނަތަންޔާހޫ ވެސް ވެއްދި ތަނެވެ.
މި ބޯޑާއި ގުޅުމަށް 60 ޤައުމަކަށް އެމެރިކާ އިން ވަނީ ދަޢުވަތު ދީފައެވެ. އޭގެތެރޭގައި އިޒްރޭލް، ޔުނައިޓެޑް އަރަބް އެމިރޭޓްސް، އަޒަރުބައިޖާން، އާޖެންޓީނާ، ހަންގޭރީ، މޮރޮކޯ، ކަޒަކިސްތާން، ތުރްކިޔޭ، ރަޝިޔާ އަދި ޗައިނާ އާއި ފްރާން ވެސް ހިމެނެއެވެ.
އދ. ފަދައިން މި ބޯޑަށް ވެސް ދާއިމީ މެމްބަރުންގެ ތެރެއިން ހޮވާލެވޭ މެމްބަރުން ވެސް ހިމެނޭނެއެވެ.
މި އާ ޕްލެޓްފޯމް މެދުވެރިކޮށް ބޮޑެތި ބާރުތަކުން ކޯޅުންތައް ހައްލުކުރަން ފަށައިފިނަމަ، ރަސްމީކޮށް އދ ގެ ބޭނުން ގާތްގަނޑަކަށް ކެނޑުނީއެވެ. މިއީ ކުދި ދައުލަތްތަކުގެ ނުފޫޒު ކުޑަވެ، ދުނިޔޭގެ
ނިންމުންތައް ނިންމުމުގައި އެމެރިކާ އިސްވެ އޮވެ ބާރުގަދަ ޤައުމުތަކުގެ ކްލަބަކަށް ބަދަލުވެދާނެ ކަމެކެވެ.
ޔޫރަޕިއަން ޔޫނިއަނުން ފްރާންސް ހިމެނޭހެން ޤައުމުގަކުން ވަނީ މިހާރު ވެސް ވަނީ މި ބޯޑާއި މެދު ޝައްކު އުފައްދާފައެވެ. މިއީ މިހާރު އޮތް ބައިނަލްއަޤްވާމީ ނިޒާމަށް ގޮންޖެހުންތަކެއް ކުރިމަތިވުމުގެ ނުރައްކާ އޮތް ކަމެއް ކަމަށް އެ ފަރާތްތަކުން ވަނީ ބުނެފަ އެވެ.
