ފޮޓޯ ޑިޒައިން: ހަސަން މާހިރު (ބިތުފަންގި)
ބޭސް ކައިކައި ބަލިން ރަނގަޅެއް ނުވިއެވެ. އާސަންދަ އެހީގައި އިންޑިއާއަށް ބޭސްފަރުވާ އަށް ގޮސްގޮސް އިންޑިއާ ހިތުދަސްވުއިރު ވެސް ބަލި ފަސޭހަވާ ގޮތެއް ނުވިއެވެ. މިއީ ދިވެހިން މިއަދު ގަބޫލުކުރާ ހަގީގަތެވެ.
މިހެން ވާން ޖެހުނީ މީގެ ކުރިން ދިވެހި ދައުލަތުގެ ތެރޭގައި ބަލިމީހުންނާއި ދޭތެރޭ ކަންކަން ކޮށްފައި ވަނީ ވިޔާނުދާކޮށް ކަމަށް ވާތީއެވެ. މީހަކު ބަލިވުމަކީ ބޭސްވިއްކާ ބައެއް ޕްރައިވެޓް ކްލިނިކް ތަކާއި ބައެއް ފާމަސީ ތަކަށް ބޮޑު ލާރިގަނޑެއް ލިބޭ ކަމެއް ކަމަށްވެސް ވެފައި އެބަހުއްޓެވެ.
ދައުލަތުގެ ތެރޭގައި އޮތް މި ކުޅިވަރު ހުއްޓުވީ ރައީސް މުޢިއްޒު ދައުލަތުގެ ހިންގެވުމާއި ޙަވާލުވެވަޑައިގަތުމަށްފަހުއެވެ.
ކުރީގެ ވެރިކަމުގައި ވެސް ރައްޔިތުންނަށް ފެނުނީ 20 ރުފިޔާއަށް ލިބޭ އެއްޗެއް 40 ރުފިޔާއަށް ވިއްކި މަންޒަރެވެ. 500 ރުފިޔާއަށް އިންޑިއާއިން ލިބޭ އިންޖެކްޝަން ރާއްޖެއިން 5000 ރުފިޔާއަށް ވިއްކި މަންޒަރެވެ. މި ގެއްލުން ދައުލަތަށް ލިބުނީ އާސަންދައިގެ ތެރެއިން ނެވެ. އާސަންދައާއި ބޭސް އެތެރެކުރާ ބައެއް ފަރާތްތަކާއި ވަނީ ސިއްރު ޑީލް ހެދިފައެވެ. ނަމަވެސް، ރައީސް ޑރ. މުޙައްމަދު މުޢިއްޒު ކުރެއްވެވި ކަމަކީ އާސަންދަ އޯވަހޯލް ކޮށް، އިތުބާރުހިފޭ ފަރާތްތައް އާސަންދަ ހިންގުމާއި ޙަވާލުކުރީއެވެ. އަދި އެސްޓިއޯ ހިންގުމަށް އިތުބާރު ހިފޭ ބޭފުޅުން ހޯއްދެވީއެވެ. ހެލްތު މިނިސްޓްރީ އިޞްލާހް ކުރެއްވީއެވެ. އެތަނަށް ޤާބިލް ބޭފުޅުން ވައްދައި، ޚަރާބު ވެފައި އޮތް ނިޒާމު ހަމަމަގަށް އެޅުވީއެވެ. ނަތީޖާއަކީ ރާއްޖެއަށް ދިމާވެފައިވާ ބޭހުގެ މައްސަލަ ހެލްތު މިނިސްޓްރީއާއި އެސްޓީއޯ އާއި އާސަންދަ ގުޅިގެން ހައްލުކުރުމެވެ. މިއީ ތޯތޯ ކަމެއް ނޫނެވެ. ކުރިން ލިބުނު އަގުބޮޑު ފޭކު ބޭސްތަކުގެ ބަދަލުގައި މިހާރު ރާއްޖެއަށް ލިބެނީ ކޮލިޓި ބޭހެވެ. އެހެންކަމުން، ޑޮކްޓަރީ ބޭހުގެ އަގާއި ފެންވަރާ ގުޅޭގޮތުން ދިމާވެފައިވާ މައްސަލަތައް މިހާރު މިދަނީ ހައްލު ވަމުންނެވެ.
ސަރުކާރުގެ މި މަސައްކަތުގެ ތެރޭގައި ހިމެނެނީ:
- ފެންވަރު ރަނގަޅު ބޭސް ރާއްޖެއަށް އެތެރެކުރުން
- އެސްޓީއޯގެ ބޭހުގެ ސަޕްލައި އިތުރުކުރުން
- ބޭހުގެ މަސައްކަތް ބަލަހައްޓާ މުވައްޒަފުން އިތުރުކޮށް ތަމްރީނުކުރުން
- އާސަންދަ ޕޯޯޓަލް އިސްލާހުކުރުން
- އެމްއެފްޑީއޭގެ ޭގެ ނިޒާމު ހަރުދަނާކުރުން
ސަރުކާރުގެ އަމާޒަކީ މިއަހަރުގެ މޭ މަހުގެ ނިޔަލަށް ޒަރޫރީ ހުރިހާ ބޭހެއް ފާމަސީތަކުން ލިބެން ހުންނާނެ އިންތިޒާމު ހަމަޖެއްސުމެވެ.
ރައްޔިތުންގެ ޝަކުވާތައް ވަރަށް ގާތުން ބަލަމުން ގެންދަން. އެކަން ހައްލުކުރުމުގައި އަޅަން ޖެހޭ ފިޔަވަޅުތައް ދެނެގަނެ އެކަމުގައިވެސް މަސައްކަތްތަކެއް ކުރެވެމުންދޭ. މިހާރު ކުރެވޭ މަސައްކަތްތަކަށް ކުރިއެރުން ލިބެމުންދާކަން އަޅުގަނޑުމެންނަށް ފާހަގަކުރެވޭ
ސިއްހީ ވަޒީރު ވިދާޅުވިއެވެ.
ރައީސް މުޢިއްޒުގެ މި ސީދާ އިރުޝާދާއި ބެލުމުގެ ދަށުން ކުރިއަށްދާ މި މަސައްކަތުން، ރާއްޖޭގެ ބޭހުގެ ދާއިރާއަށް އައު ހަޔާތެއް ލިބި، ރައްޔިތުންނަށް ފަސޭހަކަމާއެކު ފެންވަރު ރަނގަޅު ބޭސް ލިބިގެންދާނެ ކަމަށް ޔަގީންކުރެވެއެވެ. މިއީ ރައްޔިތުންގެ ދުޅަހެޔޮކަމަށް ރައީސް މުޢިއްޒު ދެއްވާ އަހައްމިއްޔަތުކަމުގެ ހެއްކެކެވެ.
