ޚާމަނާއީ އަކީ ހުޅަނގުގެ ޑިމޮކްރަސީ އާއި ދުރު، އަމިއްލަ ގޮތެއް ގެންގުޅުއްވި 1989 އިން އިއްޔެ (28 ފެބުރުވަރީ 2026) އާއި ހަމައަށް އީރާނުގެ ވެރިކަން ކުރައްވި މެދުއިރުމަތީގެ އެންމެ ނުފޫޒުގަދަ އެއް ލީޑަރެވެ. ޚާމަނާއީގެ މުޅި ވެރިކަން ބައްޓަން ކޮށްފައި ވަނީ އިސްރާއީލާއި އެމެރިކާއާ ދެކޮޅަށެވެ. ބަދަލު ހިފުމަށެވެ.
2025 ވަނަ އަހަރު އީރާނާއި އިސްރާއީލާއި ދެމެދު ހިނގި 12 ދުވަހުގެ ބޮޑު ކުރިމަތިލުމުގެ ތެރޭގައި ޚާމަނާއީގެ ބާރުގެ ދަށުގައި ތިބި އީރާނުގެ ސިފައިން ވަނީ އިސްރާއީލަށް ބޮޑެތި މިސައިލްތަކާއި ޑްރޯން ހަމަލާތައް ދީފައެވެ. އެއީ އިސްރާއީލުން އީރާނުގެ އަމާޒުތަކަށް ހަމަލާދިނުމުންނެވެ. އެ ބަދަލު ހިފުމުގެ
އޮޕަރޭޝަނެއްގައި 150 އަށް ވުރެ ގިނަ ބެލިސްޓިކް މިސައިލާއި 100 އަށް ވުރެ ގިނަ ޑްރޯން ހަމަލާދީ މުޅި އިސްރާއީލް ގުޑުވާލައި އެމެރިކާ ވެސް ކޮސްކޮށްލިއެވެ. އެ ހަމަލާގައި އިސްރާއީލުގައި 22 މީހުން ޒަޚަމްވި ނަމަވެސް ގިނަ މިސައިލްތައް ވައިގެ ދިފާއީ ނިޒާމުތަކުން ހުއްޓުވި އެވެ.
ކޮންފްލިކްޓް މޮނިޓަރިން ގްރޫޕްތަކުން ބުނާ ގޮތުގައި އީރާނުގެ ހަމަލާތަކުގައި ގާތްގަނޑަކަށް 28 މީހުންނާއި ސިފައިންގެ މީހަކު އިސްރާއީލުން މަރުވެފައި ވެއެވެ.
އެ ފަހަރު އީރާނުގެ ވެސް 1،190 އަށް ވުރެ ގިނަ މީހުން މަރުވެ، 4،000 އަށް ވުރެ ގިނަ މީހުން ޒަޚަމްވެފައިވެއެވެ.
ޚުދު ޚާމަނާއީ ވެސް އަވަހާރަ ކޮށްލުމަށް މީގެ ކުރިން ވެސް ޙާމަލާ ދީފައި ވެއެވެ. އޭނާގެ ޙަޔާތުގެ ކުރީކޮޅު، 1981 ގައި ތެހެރާނުގެ މިސްކިތެއްގައި ދެއްވި ތަގުރީރެއްގެ ތެރޭގައި އޭނާ އަށް ޙަމަލާ ދިނީ ޓޭޕް ރެކޯޑަރެއްގެ ތެރޭގައި ފޮރުވާފައި އޮތް ބޮމެއް ގޮއްވާލައިގެންނެވެ. މި ގޮވުމުގެ ސަބަބުން އޭނާގެ އަތާއި ފުއްޕާމޭ އަށާ
އި ކަރަށް ވަރަށް ބޮޑަށް ގެއްލުން ލިބުނެވެ. އަދި ކަނާތު އަތް ހަލާކުވެ ނުކުޅެދޭ އަތަކަށް އެ އަތް ބަދަލުވިއެވެ.
ނަމަވެސް އޭނާގެ ޢަޒުމަކަށް ބަދަލެއް ނައެވެ. ގުޑައެއް ނުލެވުނެވެ. މުޅި ހުޅަނގުން އޭނާއަށް ފިއްތައިލިއެވެ. ނަމަވެސް ޚާމަނާއީ ހުންނެވީ ގޮތުގައެވެ. ކުޑަކަކޫ މައްޗަށް ތިރިއެއް ނުވިއެވެ. އޭގެ ބަދަލުގައި އޭނާ ގެންދެވީ ހަތިޔާރު އުފައްދަމުންނެވެ. މައްސަލައަކީ ޢަރަބި އެހެން ޤައުމުތަކާއި ދެކޮޅުވުމެވެ. ޚާއްޞަކޮށް ސައޫދީ ޢަރަބިއްޔާ އާއި ދެކޮޅު ހެދުމެވެ. މިއީ ޚާމަނާއީ ހެއދެވި އެންމެ ބޮޑު ގޯހެވެ!
އުމުރުން 86 އަހަރުގައި ޚާމަނާއީ އެ އަވަހާރަވީ އޭނާގެ ކައިރީގައި ތިބި މީހުންހެ ސަބަބުން ކަމަށް ބުރަ ވެއެވެ. އެހާ ފަސޭހައިން އެމެރިކާ އާއި އިސްރާއީލަށް އޭނާ ހުންނެވި ލޮކޭޝަން ދެނެގަނެވުނު ސަބަބެއް ނޭނގެއެވެ. އެއްގޮތަކީ އަސްކަރިއްޔާގެ ގާޑުން ކަމަށް ބުނެވިދާނެއެވެ. މޮސާޑުން ޢާންމުކޮށް މިފަދަ ކަންކަން ކުރަނީ ޖާސޫސުންގެ ކުޅަދާނަ މަޢުލޫމާތުންނެވެ.
