ފައިސާގެ އިނާމު ލިބޭ މުބާރާތެއް ފެށުމަށް ބިތުފަންގި.ކޮމް އިން އިޢުލާން ކޮށްފިއެވެ. މި މުބާރާތް ފަށަނީ 24 ފެބުރުއަރީ 2026 ވާ އަންގާރަ ދުވަހުގައެވެ.
ފެބުރުއަރީ 7 ވަނަ ދުވަހު ބިތުފަންގި.ކޮމް އިން ވަނީ މި ރޯދަމަހުގެ ފަހު ދިހައެއްގައި މުބާރާތެއް ބޭއްވުމަށް ޤަޞްދު ކުރާ ކަމަށް އިޢުލާން ކޮށްފައެވެ. އެއީ ރަމަޟާން ކައުންޓްޑައުންގެ ތެރެއިންނެވެ. ނަމަވެސް ގިނަބަޔަކަށް ބައިވެރިވުމަށް ފުރުޞަތު ދިނުމަށްޓަކައި މުބާރާތް އަވަސް ކުރީ ކަމަށް ބިތުފަންގި.ކޮމް އިން ބުނެއެވެ.
މި ރޯދަމަހުގެ 7 ވަނަ ދުވަހުގައި (24 ފެބުރުއަރީ 2026 / އަންގާރަ ދުވަހު) ފަށާ މުބާރާތުގައި ބައިވެރިވާކަށް ވަކި އުމުރެއް ނެތެވެ. ކޮންމެ މީހަކަށް ވެސް ކޮންމެ ތަނެއްގައި ހުއްޓަސް މި މުބާރާތުގައި ބައިވެރި ވެވޭނެ ކަމަށާއި، ފީ އެއް ވެސް ދައްކާކަށް ނުޖެހޭނެ ކަމަށް ބިތުފަންގި.ކޮމް އިން ބުނެއެވެ.
ފައިސާގެ އިނާމު ލިބޭ ފަރާތްތައް ހޮވާނީ ކޮންމެ ހުކުރު ދުވަހެއްގައެވެ. އެއީ:
- 27 ފެބުރުއަރީ 2026 ގައި 4 ނަސީބުވެރިން
- 6 މާރިޗް 2026 ގައި 4 ނަސީބުވެރިން
- 13 މާރިޗް 2026 ގައި 4 ނަސީބުވެރިން
- 20 މާރިޗް 2026 ގައި 4 ނަސީބުވެރިންނެވެ.
- މި މުބާރާތުގައި ކޮންމެ ހަފްތާއަކު ވެސް 1 ވަނަ 2 ވަނަ 3 ވަނަ އަދި 4 ވަނަ ހޮވާނެއެވެ.
- ކޮންމެ ހަފްތާއަކު ވެސް ވަނަތަކަށް ހޮވޭ 4 ފަރާތަށް ފައިސާ ލިބޭނެއެވެ.
- ފުރަތަމަ 3 ހުކުރުގައި ކޮންމެ ހުކުރަކުވެސް 1 ވަނަ އަށް ހޮވޭ ފަރާތަކަށް 500ރ، 2 ވަނަ އަށް 300ރ، 3 ވަނައަށް 250ރ އަދި 4 ވަނައަށް ހޮވޭ ފަރާތަކަށް 150ރ ލިބޭނެއެވެ.
ފަހު ހުކުރުގައި 1 ވަނައަށް ހޮވޭ ފަރާތަށް 700ރ ، 2 ވަނައަށް 400ރ، 3 ވަނައަށް 200ރ އަދި 4 ވަނައަށް ހޮވޭ ފަރާތަށް 100ރ ލިބޭނެއެވެ.
އެންމެ ގިނަ ސުވާލަށް ރަނގަޅު ޖަވާބު ދިމާކުރާ ފަރާތްތަކުގެ ތެރެއިން ކޮންމެ ހުކުރެއްގައި ވެސް ގުރުއަތުން ހޮވޭ ފަރާތްތައް ބިތުފަންގި ފޭސް ބުކްގައި އިޢުލާން ކުރާނެއެވެ.
ސުވާލު ތަކަށް ޖަވާބު ދިނުމުގައި ޢަމަލުކުރަން ޖެހޭ ގޮތް ބިތުފަންގި ފޭސްބުކްގައި އެ ޕޯސްޓަކާއި އެކު ލިޔެފައި އޮންނާނެއެވެ.
