ގޯލްޑަން ފުޓްސެލް ޗެލެންޖުގެ ކުއާޓާ ފައިނަލުގައި ހއ. މާރަންދޫ ބަލިކޮށް ތ. ތިމަރަފުށި ކުއާޓަ ފައިނަލަށް ދަތުރުކުރިއިރު ކެޔޮދޫ ބަލިކޮށް ދެއްވަދޫ ވެސް ކުއާޓާ ފައިނަލުގެ ޖާގަ ހޯދައިފިއެވެ.
ކުއާޓާ ފައިނަލުގައި ތިމަރަފުށި ވާދަކުރަން ޖެހޭނީ ދެއްވަދޫ އާއިއެވެ.
ތިމަރަފުށްޓަކީ ޒޯންގެ ތާރީޚެއް އޮތް މޮޅު ކުޅުންތެރިންތަކެއް ހިމެނޭ ރަށެކެވެ. އަނެއްކޮޅުން ދެއްވަދޫ އަކީ މި މުބާރާތުގައި މިހާތަނަށް އެއްވެސް މެޗަކުން ބަލި ނުވެ، ގިނަ ގޯލްތަކެއް ޖަހަމުންދާ ޓީމެއްކަން ފާހަގަ ކުރެވެއެވެ.
މިރޭ އޮތް ގަދަ 16 ވަނަ ބުރުގައި ތިމަރަފުށިން މާރަންދޫ ބަލިކުރީ ތިމަރަފުށިން ކުރިހޯދީ 3 ލަނޑު ޖަހައި މާރަންދޫ އަށް ސުން ވެސް ކަނޑުވާދޭން ފުރުޞަތެއް ނުދީއެވެ. ކެޔޮދޫ މައްޗަށް ދެއްވަދޫ ގަދަވީ 2-4 ގެ ނަތީޖާއިންނެވެ.
ދެއްވަދޫގެ މެޗުގައި ފުރަތަމަ ހާފު ނިންމައިލީ 2-0 އިން އެ ޓީމު ކުރީގައި އޮވެގެންނެވެ. ދެވަނަ ހާފު ފަށައިގެން ދެ މިނެޓު ތެރޭ ކެޔޮދޫ އިން ގޯލެއް ޖެހިޔަސް ދެއްވަދޫއިން ވަނީ އިތުރު ދެ ގޯލު ޖަހައި މެޗުގެ ނަތީޖާ 1-4 އަށް ބަދަލުކޮށްފައެވެ. ކެޔޮދޫ އިން ސެވަނަ ގޯލު ޖެހީ މެޗު ނިމެނިކޮށެވެ.
ތިމަރަފުށިން މާރަންދޫ ކޮޅަށް ފުރަތަމަ ގޯލު ޖެހީ ފުރަތަމަ ހާފު ނިމެން ސިކުންތުކޮޅަކަށް ވެފައި ވަނިކޮށެވެ. ބާކީ ދެގޯލު ޖެހީ ދެވަނަ ހާފުގައެވެ. އޭގެތެރެއިން ފަހުގޯލަކީ މާރަންދޫ ކުޅުންތެރިންގެ އަތުން ބައިކޮޅަށް ވަތް ގޯލެކެވެ.
ކުއާޓާ ފައިނަލުގައި ދެއްވަދޫ އާއި ތިމަރަފުށި ބައްދަލުކުރާ މެޗު އޮންނާނީ އަންނަ އާދީއްތަ ދުވަހުގައެވެ.
