އިޒްރޭލުގެ ސިފައިން النصر ހޮސްޕިޓަލަށް ވަދެ ކަރުނަގޭސްޖަހައި ބަޑި ދިއްކުރުމަށް ފަހު ހޮސްޕިޓަލުގެ ހުރިހާ ސްޓާފުންނާއި ޑޮކްޓަރުން ހޮސްޕިޓަލުން ދިޔުމަށް މަޖުބޫރުކުރިކަމަށް ވެއެވެ. އެވަގުތު އުފަންވިތާ 15 ގަޑިއިރު ނުވާ ކުދިންތަކެއް އިންކުޔޫބީޓަރގައި ވަނިކޮށް ދޫކޮށްލާފައި ދިޔައެވެ.
ހަފްތާއެއް ފަހުން ފެނުނީ އެކުދިންގެ ކަށިތަކެވެ.
ހުރިހާ ކުދިން ޝަހީދުވީއެވެ. އިޒްރޭލުން އެކުދިން ދުނިޔޭގައި ދިރިހުރުމަށް އޮތް ފުރުޞަތަށް އިންކާރުކުރީއެވެ. މިކަހަލަ އެތަކެއް ލާއިންސާނީ ޖަރީމާ އިޒްރޭލާއި އެމެރިކާ އާއި ހުޅަގުގެ އިސްތިޢުމާރީ ދައުލަތްތަކުން ވަނީ ފަރުދާ ކޮށްފައެވެ.
ދުނިޔެ އޮތީ މިހުރިހާ ކަމަކަށް ބަސްހުއްޓި ހިމޭނުންނެވެ. އިންސާނިއްޔަތާއި ހިލާފު މިހުރިހާ ޤަތުލު އާއްމެއް ހިންގުމުގެ ހަމައެކަނި މަޤުޞަދަކީ ފަލަސްޠީން މިނިވަން ކުރިޔަ ނުދިނުމެވެ. ދެވަނަ ސަބަބަކީ ފަލަސްޠީނުގެ ރައްޔިތުންނަކީ މުސްލިމުން ކަމުގައި ވުމެވެ.
