މިއީ ކުށެއްނެތި އިޒްރޭލުން އުފައްދާ ޚިޔާލީ ތުހުމަތަކަށް ހައްޔަރުކުރުމަށް ފަހު ބޮޑެތި އަނިޔާކޮށް ޝަހީދު ކޮށްލާފައިވާ ފަލަސްޠީންގެ ރައްޔިތެއްގެ ހަށިގަނޑެވެ. ފުރާނަ ނެތް މިހަށިގަނޑު ޙަމާސް އާއި ހަވާލު ކުރިއިރު ، ކަރުގައި ބާރުކޮށް ބަނދެފައިވާ ވާގަނޑެއް އޮތެވެ. ދެއަތް ވަނީ ފަހަތަށް ބަނދެފައެވެ ، މޫނުވެސް ވަނީ ބަނދެފައެވެ، ބެލެވޭގޮތުންޝަރީޢަތަކާއި ނުލައި ކިތަމެ ބަޔަކު ދަންޖާފައިވެސް ވެއެވެ. މިއީ ވެސް އެގޮތަށް ދަންޖައްސައި ، ޝަހީދު ކޮށްލެވިފާ މީހެއްކަމަށް ވެއެވެ. މިފަދަ އަނިޔާވެރި ޖަރީމާއެއް ހިންގީމަ ވެސް މުސްލިމަކަށް ކޮށްފައިވާ އަނިޔާ އަކަށް ވީތީ ޑިމޮކްރަސީ އާއި އިންސާނީ ޙައްޤުތަކާއި ބައިނަލްއަޤުވާމީ ޤާނޫނަކާއި ވެސް ޚިލާފު ވީކަމަށް ޓްރަމްޕް ގެ ނަޒަރުގައި ނުވެއެވެ.
ދެވަނަ ފޮޓޯއިން ފެންނަން އެހުރީ ފަލަސްޠީންގެ ރައްޔިތުންނަށް ޞިއްޙީ ޚިދުމަތް ދިނުން ހުއްޓާލުމަށް އިޒްރޭލު ގެ ސިފައިން އެންގުމުން އެކަމަށް ނޫނެކޭ ބުނުމުން ނުހަނު އަނިޔާވެރިކޮށް ހައްޔަރު ކޮށްގެން ގެންގުޅޭ ފަލަސްތީނުގެ ދެ ޑޮކްޓަރުން ކަމަށްވާ ޣައްޒާ ފީލްޑް ހޮސްޕިޓަލުގެ ޑިރެކްޓާ ޑރ. މަރުވާން އަލް ހަމްސް އާއި ކުޑަކުދިންގެ ޑޮކްޓަރު ހިސާން އަބޫ ޞަފިޔާ އެވެ. މިދެ ޑޮކްޓަރުން ދޫކޮށްލުމަށް ދުނިޔޭގެ ޤައުމުތަކުންނާއި ބައިނަލްއަޤުވާމީ ޖަމިއްޔާ ޖަމާޢަތްތަކުން ގޮވާލާފައިވާއިރު ވެސް ދޫކޮށްލުމަށް އިޒްރޭލުން ދެކޮޅުހަދަނީ ، އިޒްރޭލް ގެ ސިފައިން. ހިންގާ ޤަތުލު ޢާއްމުތަކާއި ލާއިންސާނީ ޖަރީމާތައް ދުނިޔެއަށް އިތުރަށް ހާމަ ވާނެތީ ކަމަށް ބެލެވިފައި އެެވެ، އިޒްރޭލުން ފަލަސްޠީނުގައި ހިނގަމުން އަންނަނީ ، ޖަރުމަނުގެ ނާޒީ ހެޓިލަރ ވެސް ޔަހޫދީންނާއި މެދު ނުހިންގާފަދަ އިހާނެތި ލާއިންސާނީ ޖަރީމާތަކެއްކަމަށް ދުނިޔެ ހެކިވެއެވެ.
