ޣައްޒާ ހަނގުރާމަ ހުއްޓައިލުމުގެ ޕްލޭނުގެ ފުރަތަމަ މަރުޙަލާ އަށް އިޒްރޭލާއި ޙަމާސް ޖަމާޢަތުގެ މެދުގައި މިއަދު ވެވުނު އެއްބަސްވުމަކީ އިޒްރޭލުން އަލުން ޤަތުލު ޢާއްމު ނުފަށާނެކަން ނުވަތަ ނޫން ކަމުގެ ޟަމާނަތު ނުވަތަ ގެރެންޓީ އެއް ނޫނެވެ، އެހެން ނަމަވެސް މިއީ ކުރިއަށް އެޅުނު ފިޔަވަޅެކެވެ، އެއްކަމަކީ މިއެއްބަސް ވުމަކީ ޓްރަމްޕް ގެ އަމިއްލަ ޕްލޭނަކަށްވުމެވެ،އެކަމުން ޓްރަމްޕަށް ސިޔާސީ ގޮތުން ފައިދާތަކެއް ކުރާނެއެވެ،
އެހެން ނަމަވެސް ޔަހޫދީންނަކީ މިހާތަނަށް ވެފައިވާ އެއްވެސްޢަހުދަކަށް ވަފާތެރިވީ ބައެއް ނޫނެވެ. ކުރިއަށް އޮތީ ގިރާކުރަން ފަސޭހަ މަރުހަލާތަކެއް ނޫނެވެ، މުހިއްމު މުޢާމަލާތު އަދި އޮތީއެވެ، އެއީ ހަމާސް އަތުން ހަތިޔާރު އަތުލުމާއި ، ޣައްޒާގައި ވެރިކަން ކުރާނެ ފަރާތެއް ކަނޑައެޅުމަކީ ނުނިމި އޮތް އެހެން ނަމަވެސް ޓްރަމްޕް ގެ ޕްލޭނުގައި އޮތްކަމެކެވެ، ޔަހޫދީންގެ މަޞްލަޙަތަށް ކިތަމެ ކުޑަ އުނިކަމެއް އައުމަކީ އެމެރިކާ އެދޭނެކަމެއް ނޫނެވެ،
އަދި އެހެންމެ ޙަޤީޤިީ މާނާގައި ފަލަސްޠީން މިނިވަން ދައުލަތެއް ނުއުފެއްދޭނެހާ ހިނދަކު ހަތިޔާރު ބެހެއްޓުމަކީ ޙަމާސް ޖަމާއަތުން ކުރާނެކަމެއް ނޫނެވެ . އަދި ޙަމާސް ބާކީ ކޮށްގެން ފަލަސްޠީން ގައި ސަރުކާރެއް އުފެއްދުމަށް ކުރާ ކޮންމެ މަސައްކަތެއް ވާނީ ، އިސްރާފު ބޮޑު ވަގުތު ބޭކާރުކުރުމެއްކަމަށެވެ، ސަރުކާރު ހިންގުމުގައި
ޙަމާސް ބާކީ ކުރާ ވާހަކަ ދެއްކުމުގެ ބޭނުމަކީ ވެސް ފަލަސްޠީން ގެ ދައުލަތެއް އުފެދުނަ ނުދިނުމެވެ. ހުޅަގުގެ ޤައުމުތަކުން ބޭރުފުށުން ކިތަމެ ރީތި މަންޒަރެއް މުސްލިމުންނަށް ދެއްކި ނަމަވެސް މަޢުނަވީ ގޮތުން އެއިން އެއްވެސް ޤައުމަކީ މުސްލިމުން އެކަތިގަނޑެއްގެ ގޮތުގައި ތިބެން ބޭނުންވާނެ ޤައުމުތަކެއް ނޫނެވެ. ބޭނުމަކަށް އަބަދު ވެސް ވަނީ ،
ފަލަސްޠީންގެ ރައްޔިތުން ގެ މެދުގައި ހަމަނުޖެހުން އުފެއްދުމާއި ރައްޔިތުން ބަލިކަށިކޮށް މާޔޫސް ކުރުވުމެވެ. ހެޔޮލަފާ ކޮންމެ މުސްލިމެއްގެ ދުޢާ އަކަށް ވާނީ ، ފަލަސްޠީން މިނިވަންވެ އިސްތިޢުމާރީ ވަކިތަކުން ފަލަސްޠީންގެ ރައްޔިތުންނަށް ރައްކާތެރިކަން ލިބިގެން ދިއުމެވެ.
ތިރީގައި މިވަނީ ޓްރަމްޕް ހުށަހަޅާފައިވާ ހަނގުރާމަ ހުއްޓާލުމުގެ 20 ނުކުތާގެ ޚުލާޞާ އެވެ. (ސޯސް: އަލްޖަޒީރާ)
