ރާއްޖޭގެ ފޯޅަވަހި އަނބުރާ ހޯދުމަށްޓަކައި “ޕެން ފޯ ރައިޓްސް”އިން ނުކުމެއްޖެއެވެ.
ފޯޅަވައްސަކީ 1715 ވަނަ އަހަރު ފަރަންސޭސިން ރާއްޖޭގެ ސަރަޙައްދަށް ވަދެ ގަދަކަމުން ފޭރިގަނެފައިވާ އަތޮޅެކެވެ. އެހެންކަމުން އެ އަތޮޅު އަނބުރައި ހޯދުމަށްޓަކައި މަސައްކަތް ކުރުމަށް ނުކުތް ގްރޫޕްގެ “މަޤްޞަދަކީ އެ އަތޮޅު މި ޤައުމަށް ލިބުމުގައި އެހީތެރިވުން” ކަމަށް، އެ ފަރާތުން ބުނެއެވެ.
މި މަސައްކަތުގައި އިސްކޮށް އުޅުއްވާ ޑރ. ސައުދު އާއި އޭނާގެ ޓީމުން ގެންދަނީ އިނގިރޭސިވިލާތުގައި ވަރަށް ބާރަށް މި މަސައްކަތް ކުރުމުގައި އެކިއެކި ދިރާސާތައް ވެސް ކުރަމުން ކަމަށް ބިތުފަންގި އަށް އެނގިފައި ވެއެވެ.
ޕެން ފޯ ރައިޓްސް އިން ބުނީ ފޯޅަވަހި އަކީ ރާއްޖޭގެ ތަނެއް ކަމަށް ވީއިރު، އެހެން ބަޔެއްގެ ޙައްޤަކަށް އެތަން ހެދުން އެއީ ބައިނަލްއަޤްވާމީ ޤާނޫނުގެ އަސާސީ އުސޫލު ވެސް މުގުރާލާ ކަމެއް ކަމަށާއި، ފުރަތަމަ ނިންމަން ޖެހޭނީ އިސްތިޤުލާލު ކަމަށެވެ.
މީގެ އިތުރުން، އެމެރިކާއާއި އިނގިރޭސިވިލާތާއި ދެމެދު 1966 ވަނަ އަހަރު ވެވުނު އެއްބަސްވުމާއި އަދި އޭގެފަހުން އިނގިރޭސިވިލާތާއި މޮރިޝަސް އާއި ދެމެދު މިދިޔަ އަހަރު ވެވުނު މުއާހަދާއިން ވެސް ރާއްޖޭގެ ޙައްޤުތައް އުނި ނުކުރެވޭނެ ކަމަށް ޕެން ފޯ ރައިޓްސް އިން ބުނެއެވެ.
ފޯޅަވަހީގެ މައްސަލައިގައި ރައީސް މުޢިއްޒު ވެސް ވަނީ އިނގިރޭސި ސަރުކާރުގައި ކަންބޮޑުވުން ފާޅުކުރައްވައި، އެ ތަނަކީ ދިވެހިންގެ ތަނެއް ކަމަށާއި، އަދި އެ އަތޮޅާއި ގުޅޭ އިހުޒަމާނުގެ ކިތާބީ ހެކިތައް ހުރިކަމަށް ވިދާޅުވެފައެވެ.
