ސައޫދީ ޢަރަބިއްޔާ ގައި ސެކްސް އަންހެނުންނާއި ގުޅޭގޮތުންނާއި އެއްޖިންސުން ގުޅުން ހިންގުމާއި ގުޅޭގޮތުން ޅެން ކިޔުމާއި ފަރިހިކިޔުމުގެ ހަފްލާއެއް ބާއްވައިފިއެވެ. ބީ.ބީ ސީ. ގައި ބުނެފައިވަނީ މިބާވަތުގެ ކޮމެޑީ އެއް ސަޢޫދީގައި މީގެ ކުރިން ބޭއްވުމަކީ ނާދިރު ކަމެއްކަމަށެވެ.
ނޯޓު: ބީ.ބީ.ސީ ގައި މީގެ ކުރިން ގެނެސް ދީފައިވާ ލިޔުމެއްގައި ، ފާހަގަކޮށްފައިވާ ގޮތުން ސަޢޫދީ މިހާރުގެ ޕްރިންސް އިބްނި ސަލްމާން ގެންދަވަނީ ، ހުޅަގުގެ އާދަކާދަތަކާއި ޘަޤާފަތް ތައް ސަޢޫދީއަށް ތަޢާރަފްކުރައްވަމުންނެވެ. އަދި ތެލަށް ބަރޯސާވުން ކުޑަކުރުމުގެ ގޮތުން ޓޫރިޒަމް ފުޅާކުރައްވައި ބޭރުގެ އިންވެސްޓަރުން ގެނައުމުގެ މަސައްކަތްތަކެއް ކުރައްވަމުންނެވެ. އެކަމާ ހިތްހަމަ ނުޖެހި ޝުޢޫރު ފާޅުކުރާ ދީނީ ޢިލްމުވެރިންނާއި ޢާއްމުން ހައްޔަރުކުރަން އަންނަކަމަށްވެއެވެ.
އިބްނި ސަލްމާން ވަލިއްޔުލް ޢަހުދުކަމަށް ޢައްޔަނު ކުރައްވާފައި ވަނީ ބޮޑުބޭބޭފުޅު ޕްރިންސް ނާއިފް ގޭގައި ބަންދުކުރުމަށް ފަހުގައި ރަސްކަން ވާރުތަކުރުމަށް ގަނޑުވަރުތެރޭގައި އަމަލުކުރަމަށް އޮންނަ އުޞޫލުތަކާއި ޚިލާފަށްކަމަށާއި ، އިބްނި ސަލްމާން ވަލިއްޔުލް ޢަހުދުކަމަށް ޢައްޔަން ކުރުމާއެކު މިހާރު ރަސްކަމުގައި ހުންނެވި ބައްޕާފުޅުގެ ޢާއިލާގެ 300 އަށްވުރެ ގިނަ ބޭފުޅުން ގޭގައި ބަންދުކުރެއްވިކަމަށާއި ، އަދި އެބޭފުޅުންގެ މައްޗަށް ކޮރަޕްޝަންގެ ތުހުމަތުކުރެވި ، އެބޭފުޅުންގެ އެކައުންޓުތަކުން އެތައް މިލިޔަން ޑޮލަރެއް ސަރުކާރަށް އަތުލެއްވިކަމަށާއި ބައްޕާފުޅުގެ ޢާއިލާގެ އެއްވެސް ބޭފުޅަކާއި މުޢާމަލާތް ކުރުމާއި ބައްދަލު ކުރެއްވުން ބައްޕާފުޅަށް މަނާކުރެއްވިކަމަށް ވެސް ބީ.ބީ.ގައި މީގެ ކުރިން ހާމަ ކޮށްފައިވެއެވެ.
