ކެޕްޓަން އިބްރާހިމް ޓްރައޯރޭގެ އަމުރަށް ބުރުކިނާ ފާސޯގެ އަސްކަރީ ސަރުކާރުން އެ ޤައުމުގެ ހުރިހާ ސިޔާސީ ޕާޓީތައް އުވާލައި، އެ ޕާޓީތައް ހިންގާ ގާނޫނުތައް ވެސް އުވާލައިފިއެވެ. މިގޮތަށް ނިންމެވީ ސިޔާސީ ޕާޓީތަކުގެ ފަހަތުގައި އީޔޫ އާއި އެމެރިކާ ތިބުމާއި ގުޅިގެން އެކަން ނިމުމަކަށް ގެނެސް “ގައުމީ އެއްބައިވަންތަކަން” ދެމެހެއްޓުމާއި ސިޔާސަތު އިޞްލާޙް ކުރުމަށެވެ.
ބުރްކީނާފާސޯ އަކީ ގިނައަދަދެއްގެ ރަނާއި މިނަރަލްސް ހުންނަ ޤަުމެކެވެ. ޚާއްޞަކޮށް ދަނޑުވެރިކަމުގައި ކުރިއަރާފައިވާ އެ ޤައުމުގެ ޕްރޮޑަކްޓުތައް އެމެރިކާ އާއި އީޔޫއަށް ބޭރުކުރިއެވެ. ނަމަވެސް މިހުރިހާ ކަމެއް ރައީސް އިބްރާހީމް ވަނީ ހުއްޓުވާލާފައެވެ.
ރައީސް އިބްރާހީމް ވެރިކަމަށް ވަޑައިގެންނެވީ އެ ޤައުމުގެ ސިޔާސީކަންކަން ހައްެުން ނެއޓި ހުޅަނގުގެ ބާރު ގަދަވެފައިވާ ދަނޑިވަޅެއްގައެވެ. އޭރު 100 އަށް ވުރެ ގިނަ ޕާޓިތައް އޮތެވެ.
ރައީސް އިބްރާހީމް ވެރިކަމަށް ވަޑައިގަތީ 2022 ވަނަ އަހަރުގެ ސެޕްޓެމްބަރު މަހު އަސްކަރީ އިންޤިލާބެއް ގެނެސްގެންނެވެ.
ރައީސް އިބްރާހީމް މިހާރު ރާވާފައިވަނީ އާ ޤާނޫނުތަކުގެ ޑްރާފްޓެއް އަސްކަރިއްޔާއިން އައްޔަންކުރާ މަޖިލީހަކަށް ފޮނުވުމަށެވެ. މިކަމާއި މެދު ހުޅަނގުން ދަނީ ހިތްހަމަނުޖެހުން ފާޅުކުރަމުންނެވެ.
ރައީސް އިބްރާހީމް ވެރިކަމަށް އައުމާއި އެކު އެމެރިކާ އަދި އީޔޫ އާއި އޭނާ ވަނީ ބުރްކީނާ ފާސޯގެ ސަރުކާރުން ބޭއްވި ގުޅުން ނިމުމަކަށް ގެނެސްފައެވެ.
