އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އަކީ “ޓެރަރިސްޓް ޖަމާއަތެއްގެ” ގޮތުގައި ކަނޑައެޅުމަށް އީޔޫގެ މެމްބަރު ގައުމުތަކުން ސިޔާސީ އެއްބަސްވުމަކަށް އައިސްފައި ވާތީވެ، މިކަމާއި ގުޅިގެން އީރާނުގެ މީޑިއާތަކުން ރައްދު ދީފިއެވެ.
އީރާނުން ބުނީ އެ ޤައުމުގެ އެންމެ ބާރުގަދަ ފޯސް އަކީ ޓެރަރިސްޓުން ކަމަށް އީޔޫ އިން ކަނޑައަޅަން އުޅެނީ އެމެރިކާ އާއި ޔޫރަޕުން ގުޅިގެން އީރާނަށް ޙަމަލާ ދިނުމަށް ކަމަށާއި، ސަބަބަކީ ޖިހާދުކުުމުގައި، އިސްލާމް ދީން ކުރިއެރުވުމުގައި ،ަސައްކަތްކުރާ ފަރާތްތަކަށް އެއްބާރުލުން ދިނުމާއި، އެމެރިކާގެ ޝަރުޠުތައް އީރާނުން ބޮލާލާ ޖަހާތީއެވެ. އެހެންކަމުން ހުޅަނގުން ކޮންމެ ފަދަ ގޮތަކަށް ނިންމިޔަސް “އޯކޭ” ކަމަށާއި، “ހެޔޮ” ކަމަށް ބުންޏެވެ.
މީގެ އިތުރުން އިސްލާމް ދީނުގައިވާ ޙުކުމްތައް ބަދަލު ނުކުރާގީވެ ހުޅަނގުން އީރާނު ދެކެ ހިތްހަމަނުޖެހޭ ކަމަށާއި ޙާއްޞަކޮށް ޖިހާދު ކުރުމާއި މަރަށް މަރު ތަންފީޛުކުރަތީވެސް ހުޅަނގުން ރުޅި އަންނަ ކަމަށް އީރާނުން ބުނެއެވެ. އެހެނޭ ކިޔައި އެމީހުން ރުއްސަން ބޭނުން ނުވާ ކަމަށް އީރާނުން ބުންޏެވެ.
ދުނިޔޭގެ ޙަޤީޤީ ޓެރަރިސްޓުންނަކީ އެމެރިކާ އާއި ޔޫރަޕެވެ. އެމީހުން އީރާނަކީ ޓެރަރިސްޓުން ކަމަށް ނިންމީ އިސްލާމް އިސްލާމް ދީނުގައިވާ ޖިހާދު ކުރުމުގެ “ރުކުނަށް” ތަބާވާ މީހުންނާއި އީރާނު ސަރުކާރުން ގުޅުން ބާއްވާތީ ކަމަށް އީރާނުން ބުނެއެވެ.
އީޔޫ އިން އީރާނުގެ ފަހުލަވާނުންނަކީ ޓެރަރިސްޓުން ކަމަށް ނިންމުމުން، ޔޫރަޕިއަން ކޮމިޝަންގެ ރައީސް އުރުސުލާ މިކަމަށް މަރްޙަބާ ކިޔައި އުފަލުން ފޮޅި، ހައްޓަކު މިހާރު ހެއެއްވެސް ނެތް ކަހަލައެވެ.
