ސާފް ފުޓްސަލް ޗެމްޕިއަންޝިޕުގައި ވާދަކުރާ ރާއްޖޭގެ ޓީމުނތަށި ހޯދާނެ ކަމަށް ގަބޫލުކުރާ ކަމަށް ޤައުމީ ފިރިހެން ފުޓްސަލް ޓީމުގެ ހެޑް ކޯޗު އުޒްބެކިސްތާންގެ ފާރޫކް ޒަކީރޯވް ބުނެފި އެވެ. އޭނާ ބުނީ ހުރިހާ ޓީމަކުން ވެސް މިހާރު ރާއްޖެ ދެކެނީ ސަރަހައްދީ ބާރެއްގެ ގޮތުގައި ކަމަށާއި ޓީމުތަކުން ރާއްޖެއާ މެދު މިހާރު ޖެހިލުންވާކަމަށެވެ.
މިހާތަނަށް ރާއްޖެއިން ކުޅުނު ދެ މެޗުން ވެސް ލަނޑު ގޯނިތަކާއެކު ވަނީ މޮޅުވެފައެވެ. އެ ދެމެޗުން ޖުމްލަ 13 ލަނޑު ރާއްޖެއިން ކާމިޔާބުކޮށްފައިވެއެވެ. ބައިކޮޅަށް ވަދެފައި ވަނީ އެންމެ ދެ ލަނޑެވެ.
މުބާރާތުގައި ރާއްޖެއަށް ކުޅޭނީ ވާދަވެރި އިންޑިއާއާ ދެކޮޅަށެވެ. އެއީ މި މަހުގެ 20 ވަނަ ދުވަހުއެވެ.
މުބާރާތުގެ މެޗުތަކުގައި ރާއްޖެ ޓީމުން ފުރަތަމަ ކުޅެން އަރާ ފަސް ކުޅުންތެރިން ވެސް މި މުބާރާތުގައި މިހާރު ވަނީ ގޯލު ޖަހާފައެވެ. އެއީ އެއްވަނަ ކީޕަރު ޒައިދާން ވެސް ހިމެނޭހެންނެވެ.
މުބާރާތުގެ ފުރަތަމަ މެޗުގައި ރާއްޖެއިން ވަނީ ޕާކިސްތާނުގެ މައްޗަށް 1-7 އިން ކުރިހޯދާފައެވެ. އަދި ދެވަނަ މެޗުގައި ބަންގްލަދޭޝް އަތުން މޮޅުވީ 1-6 ގެ ނަތީޖާއަކުންނެވެ.
ލީގު ތާވަލަށް ބަލާއިރު ރާއްޖެ އެއްވަނައިގައި އޮތީ ހަ ޕޮއިންޓާއި ފައިދާ 11 ގޯލާއެކުއެވެ.
