އެމެރިކާގެ ސީއައިއޭ އިން ވެނެޒުއެލާ ތެރެއަށް ވަދެ ޖާސޫސް ކޮށް، އެންމެފަހުން ވަރަށް ވަރުގަދަ އަށް ޙަމަލާދީ ވެނެޒުއެލާގެ ސިފައިން ބަލިކޮށްލައި، ރައީސް ނިކޮލަސް މަޑޫރޯ އަތުލައިގަތުމާއި ގުޅިގެން އަލަށް ހުވާކުރެއްވި ނިއުޔޯކް ސިޓީގެ މޭޔަރު ޛަޚްރާން މަމްދާނީ އެމެރިކާގެ ޢަމަލު ކުށްވެރި ކުރައްވައިފިއެވެ.
މަމްދާނީ ވިދާޅުވީ އެމެރިކާގެ މި ޢަމަލަކީ ހަނގުރާމަގެ އަމަލެއް ކަމަށާއި، ވަރަށް ބޮޑަށް އެކަން ކުށްވެރި ކުރައްވާ ކަމަށެވެ.
އުމުރުން 34 އަހަރުގެ ޑިމޮކްރެޓިކް ސޯޝަލިސްޓް އަދި ކުރީގެ ސްޓޭޓް އެސެމްބްލީ މެމްބަރެއް ކަމަށްވާ މަމްދާނީ އެމެރިކާގެ ނިއުޔޯލު ސިޓީގެ މޭޔަރުކަމުގެ ހުވައި ކުރެއްވީ މި ޖެނުއަރީ 1 ގައެވެ.
ނިއުޔޯކް ސިޓީގެ 112 ވަނަ މޭޔަރގެ އޭނާ ފުރަތަމަ ހުވައި ކުރައްވާފައި ވަނީ ރަމްޒީ ރަސްމިއްޔާތެއްގައި ޤުރުއާން ޚަތިމުގައި އަތް އަޅައިގެންނެވެ.
