މަސްވެރިން ބާނާ މަހަށް ފައިސާ ލިބުން ލަސްވުމާއި އަގުހެޔޮކޮށް ތެޔޮ ލިބުމުގެ ދަތިތަކާއ ގުޅިގެން އިއްޔެއިން ފެށިގެން މުޒާހަރާ ކުރަމުން އަންނަ ބޮޑުކަންނެލީގެ މަސްވެރިންގެ ކަންބޮޑުވުންތަކަށް ސަރުކާރުން ފުރިހަމައަށް ހައްލެއް ހޯދައިދޭނެ ކަމުގެ ޔަގީންކަން ފިޝަރީޒް މިނިސްޓަރު އަހުމަދު ޝިޔާމް ދެއްވައިފި އެވެ. ޝިޔާމް ވިދާޅުވީ ބޮޑު އެއް މައްސަލައަކީ މަސްވެރިން ބާނާ މަސް އަމިއްލަ ކުންފުނިތަކަށް ވިއްކުމަށް ފަހު ކުރިމަތިވާ ދިގު އިންތިޒާރު ކަމަށާއި ބައެއް ކުންފުނިތަކަށް 1.5 މިލިއަން ރުފިޔާ ދައްކަން ޖެހޭ ކަމަށެވެ.
މިކަން ހައްލުކުރުމަށްޓަކައި، ހުޅުމާލޭގައި މަސް ޕްރޮސެސް ކުރުމުގެ އާ ފެސިލިޓީއެއް މި ޖެނުއަރީ މަހު ސަރުކާރުން އެޅުމުގެ މަސައްކަތް ފަށާނެކަން ފާހަގަ ކުރެއްވިއެވެ.
“ހުޅުމާލެ ބަނދަރު ސަރަހައްދުން 25 ހާސް އަކަފޫޓުގެ ބިން ސެކިއުރިޓީ ކުރެވިފައިވޭ. އިއްޔެ އެޗްޑީސީއަށް އެ ބިން ލިބި، ފައިސާ ހަމަޖައްސާ، ޕީއެސްއައިޕީ ކޮންޓްރެކްޓަރ-ފައިނޭންސް މޮޑެލްގެ ދަށުން މި މަޝްރޫއު ފެށޭނެ،” މިނިސްޓަރު ވިދާޅުވި އެވެ.
ދެވަނަ އަށް އެންމެ ބޮޑު ކަންބޮޑުވުން ކަމުގައިވާ އަގުހެޔޮކޮށް ތެޔޮ ނުލިނޭ މައްސަލަ އަށް ވެސް ހައްލެއް ލިބިގެންދާނެ ކަން ފާހަގަ ކުރައްވައި މިނިސްޓަރު ޝިޔާމް ހާމަކުރެއްވި ގޮތުގައި ކޮންމެ އަތޮޅެއްގައި ވެސް މަދުވެގެން އެއް ރަށަކުން އަގު ހެޔޮ ކޮށް “އެސްޓީ ރޭޓުން” ތެޔޮ ފޯރުކޮށްދޭއިރު، އަންނަ އަހަރުގެ މާޗް މަހުގެ ތެރޭގައި ފެސިލިޓީތައް ނިންމާލެވޭނެ ކަމަށް ބެލެވެއެވެ.
މިނިސްޓަރު ވިދާޅުވީ މަސްވެރިންނަށް 48 ގަޑިއިރުގެ ތެރޭގައި ފައިސާ ދޫކުރުމާއި އައިސް އާއި ގުޅުން ހުރި ގޮންޖެހުންތަކަށް ލުއި ދިނުމަށް މަސްދޯނިތަކަށް އާރުއެސްޑަބްލިއު ފިނިކުރުމުގެ ނިޒާމު ދިނުމުގެ މަސައްކަތްތައް ފެށުން ފަދަ ގިނަ ދުވަސްތަކެއް ވަންދެން ދިމާވެފައިވާ ބައެއް މައްސަލަތައް ވެސް މިހާރު ހައްލުކޮށްފައިވާ ކަމަށެވެ.
