ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ ވެހިކަލްތަކުން ކުނި ހުސްކުރުމަށް ބޭނުންކުރާ ރޭމްޕެއްގެ މަތިން ވެއްޓި، ސީރިއަސް އަނިޔާތަކެއް ލިބުނު ޑްރައިވަރަކަށް އައިޖީއެމްއެޗްގެ ވެންޓިލޭޓަރުގައި ފަރުވާދޭން ފަށައިފިއެވެ.
މިދިޔަ އާދީއްތަ ދުވަހުގެ ރޭ މެންދަމު 3:00 އެހައިކަންހާއިރު ހިނގި މި ހާދިސާގައި އަނިޔާވެފައިވަނީ އެ ކުންފުނީގެ ޑްރައިވަރެއް ކަމަށްވާ ހަސަން ނަޒީރު އަށެވެ.
މި ހާދިސާ ސިއްރު ކުރަން ބަޔަކު މަސައްކަތް ކުރާ ކަމުގެ އަޑުތައް ވެސް އިވެއެވެ.
މި މައްސަލައިގައި ވެމްކޯގެ ރަސްމީ ބަހެއް އަދި ނުލިބެއެވެ. ގިނަ ނޫސްތަކުން މިވާހަކަ ވެސް ނުދައްކައެވެ. ސަބަބެއް ނޭނގެއެވެ.
މައުލޫމާތު ލިބިފައިވާ ގޮތުގައި އޭނާ ވެއްޓިފައިވަނީ ގާތްގަނޑަކަށް 12 ނުވަތަ 13 ފޫޓު އުސްމިނުގައި ހުރި ރޭމްޕެއްގެ މަތިން ތިރީގައި ހުރި ކޮންޓޭނަރެއްގެ ތެރެއަށެވެ.
