އަހަރެމެން މިތިބީ ތިބާ އާއި އެތައް މޭލެއްގެ ދުރުގައެވެ. ހައްދުފަހަނަ އެޅި ޔަހޫދީ ޒައެނިސްޓުން އަހަރެމެންގެ މައިންބަފައިންނާއި ދަރީން ގަތުލުކޮށް، ކޮށްއި، ޖަނަވާރުންނަށް ކާން ދިނީ މުލި ދުނިޔޭގެ ކުރިމަތީގައެވެ. ދިރިތިއްބައި ބޮލަށް ބޮން އަޅައި އަހަރެމެންގެ މީހުންތައް ޝަހީދު ކޮށްލި ޢަދަދެއް ހިސާބެއް ތިބާއަށް އެނގޭ ހެއްޔެވެ؟ 71000 އަކީ ތިބާ އަށް އަށު އިވުނު ޢަދަދެވެ. އެކަމަކު އެއަށް ވުރެ މާ ގިނައެވެ. އެތައް ހާހެއްގެ ބަޔަކު އެ ތިބީ ލިސްޓުގައި ނުހިމަނައެވެ.
އެކުވެރި ލޯބިވާ އަޚުންނާއި އުޚްތުންނޭވެ. މި ވީޑިއޯ އިން މިފެންނަނީ މި ފިނި މޫސުމުގައި އަހަރެމެން ޣައްޒާގެ ރައްޔިތުން ތިބެން ހުރި ތަނެވެ. ސަތަރިން ހިޔާ ކޮށްފައި ހުއްޓަސް މިތަން މިވަނީ ވެހޭ ވާރޭގައި ފެން ބޮޑުވެފައެވެ. މި ޖެހޭ ގަދަ ވަޔާއި މި ފިނި ގަދަ މޫސުމުގައި އަހަރެމެންގެ މި ޓެންޓުގައި ވައިން ރައްކާތެރިވާނެ ގޮތެއް ވެސް ނެތެވެ. ފިނިން ރައްކާތެރިވާނެ ގޮތެއް ނެތެވެ. ފިނި ގަދަވެގެން ރޫރޫ އަޅައި، އެންމެ ފަހުން ކެތް ނުވެގެން ގޮސް އެއްބަޔަކު ޝަހީދު ވެސް ވެއްޖެއެވެ. ތުއްތުތުއްތު ކުދިންތައް ޝަހީދުވަނީ މި ގަދަ ފިނިން ކެތް ނުވެގެންނެވެ. ހޫނުކުރާނެ ގޮތެއް، ގައިގައި އަޅާލާނެ ބޯ ރަޖާގަނޑެއް، އެކަށީގެންވާ އަންނައުނެއް އަހަރެމެން އަތަކު ނެތެވެ.
މި ޓެންޓުތަކުގައި ދެދުވަހުން އެއްެދުވަހު ކާއެތިކޮޅެއް ކާމީހުންވެސް އެބަ އުޅެއެވެ. ނިދަނީ ވެސް މިތާނގައެވެ. ބިންމަތީގައެވެ. ފެންވަރަނީ ވެސް މިތަނުގައެވެ. ފަޚާނަކުރަނީ ވެސް މިތަނުގައެވެ. ނަމާދުކުރަނީ ވެސް މިތަނުގައެވެ. މި ނޫން އިތުރު ގޮތެއް ހަމަ ނެތީއެވެ.
އެނގޭ ހެއްޔެވެ؟ ބޯފެން ނުލިބޭ ތާނގައި ގައިން ތާހިރުވާނެ ސާފުވާނެ ފެނެއް ވެސް ލިބެނީ އެހާ ހާލަކުންނެވެ. ބަލިތައް ފެތުރެނީއެވެ. ބޭހެއް ނެތެވެ. މި ޓެންޓުތަކުގެ ބޭރުން ވީޑިއޯ ކޮށްލާފައި އަހަރެން މިއަދު މުޅި އުންމަތަށް، ޚާއްޞަކޮށް މުސްލިމުންނަށް މި މަންޒަރު މި ދައްކާލަނީ ތިޔައީ އަހަރެމެން ޣައްޒާ ރައްޔިތުން ދެކެ އިންތިހާ އަށް ލޯބިވާ ބަޔަކަށް ވާތީއެވެ. ވީހާވެސް ގިނަ ބަޔަކަށް އަހަރެމެން ޣައްޒާ ރައްޔިތުން މި ފިނިމޫސުމުގައި ނިދައި ފެންވަރައި ފާޚަނާކުރަން މިހިރަ ސަތަރި ޓެންޓުތަކުގެ މަންޒަރު ދެއްކުމަށް މި ވީޑިއޯ ޝެއާ ކޮށްލަދޭށެވެ! މިކުރަނީ އާދޭހެވެ. އެހީ ވެވެން ނެތް ނަމަ ވީޑިއޯ އާއި އާޓިކަލް ޝެއާ ކޮށްލަދޭށެވެ. އޭރުން މި މަންޒަރާއި މި އާދޭހުގެ އަޑު އިވޭ މީހާ އަހަރެމެންނަށް އެހީގެ އަތެއް ދިއްކޮށްލަފާނެވެ. މާތްރަސްކަލާނގެ ތިޔަބައިމީހުންނަށް މިފަދަ ޙާލެއް ޖައްސާކަށް އަހަރެމެން ނޭދެމެވެ.
