އަންނި ހޫނު ފެނަށް ވެއްޓިއްޖެއޭ ބުނީމާ އެ ވާހަކައެވެ. ވެގެން އުޅޭ ގޮތަކީ ލަންކާއަށް ކަނޑައަޅުއްވާފައި ހުންނަވާ އީރާނުގެ ސަފީރު، ރައީސް ނަޝީދު އަށް ދެއްވި ވަރުގަދަ ރައްދެއްގެ ސަބަބުން ރައްޔިތު އެންމެން މިހާރު ދައްކަނީ އެ ވާހަކައެވެ. އެކި މީހުން ދައްކަނީ އެކި ފާޑުފާޑުގެ ވާހަކަތަކެވެ.
ވީ ގޮތަކީ، އިރާންގެ ސަރުކާރާ ދެކޮޅަށް ބޮޑެތި މުޒާހަރާތައް ކުރަމުންދާއިރު، އެކަން ހުއްޓުވަން އެ ގައުމުގެ ސަރުކާރުން ހަރުކަށި ފިޔަވަޅުތަކެއް އަޅަމުން ގެންދާ ދިއުމަށް އިޝާރާތްކުރައްވާ އެކްސްގައި ރައީސް ނަޝީދު ކުރެއްވި ޕޯސްޓެއްގައި، އީރާނުގެ ރައްޔިތުން މަގުމައްޗަށް ނިކުމެ ކުރަމުންދާ މުޒާހަރާތަކުގައި މުސްލިމް ގައުމެއްގެ ހައިސިއްޔަތުން އެ ގައުމުގެ ރައްޔިތުންނާއެކު ތިބެންޖެހޭ ކަމަށާއި ހިމާޔަތް ކުރަންވީ އެ ގައުމުގެ ސަރުކާރު ނޫން ކަމަށް ވިދާޅުވުމެވެ.
ނަޝީދު ވިދާޅުވެފައިވަނީ އީރާނުގެ ރައްޔިތުން ނުކުމެ ތިބީ އެތަކެއް ޒަމާނެއްވެފައިވާ ހިފެހެއްޓުންތަކުން ސަލާމަތްވެ، ދިރިއުޅުމުގެ އަގު އިންތިހާއަށް ގޮސްފައިވާތީ އެކަމުން މިންޖުވާން ކަމަށެވެ.
އީރާނުގެ ރައްޔިތުންނަކީ މުސްލިމުން ކަމަށް ވާއިރު، މުސްލިމުންނާއި ބައިނަލްއަގްވާމީ މުޖުތަމައުއިން ތިބެން ޖެހޭނީ އެ ރައްޔިތުންނާ އެކު ކަމަށާއި އޭގެ ބަދަލުގައި އީރާނުގެ ސަރުކާރު ހިމާޔަތް ކުރުމުގައި ނޫން ކަމަށް ނަޝީދު ވިދާޅުވެފައި ވެއެވެ.
ނަޝީދުގެ މި ވާހަކަތަކަށް ރައްދު ދެއްވަމުން ލަންކާގައި ހުންނަ އީރާނުގެ އެމްބަސީގެ ރަސްމީ އެކްސް އެކައުންޓުގައި ޕޯސްޓެއްކޮށް ވަނީ ނަޝީދުއަށް ބަހުގެ ޙޫނު ހަމަލާތަކެއް ދިފައެވެ. “އެމަނިކުފާނު ހޫނު ފެން އެއްޗަކަށް ވެއްޓި ޒަޚަމްވީ އޭ” ދަންނަވަން ޖެހުނީ މި ސަބަބާއި ހެދިއެވެ.
އީރާނުގެ އެ ޕޯސްޓުގައި ވަނީ 2025 ވަނަ އަހަރުގެ ޖޫން މަހުގެ ތެރޭގައި އީރާނުގައި ހިނގި 12 ދުވަހުގެ ހަނގުރާމައިގައި ފެނިގެން ދިޔައީ ޒަޔަނިސްޓު އިސްރާއީލުން އެ ގައުމުގެ ސިޓީ ތަކަށާއި، އާންމު ރައްޔިތުންނަށް ދިން ނުރައްކާތެރި އަސްކަރީ ހަމަލާތަކެއް ކަމަށާ އެ ހަމަލާތަކުގައި އެގައުމުގެ ހާހަކަށް ވުރެ ގިނަ ފިރިހެނުންނާއި، އަންހެނުންނާއި ކުޑަކުދިން ޝަހީދުވެފައިވާ ކަމަަށެވެ.
މީގެ އިތުރުން އެ ހަމަލާއަކީ އެމެރިކާގެ ސީދާ އެހީތެރިކަމާއެކު ޒަޔަނިސްޓުން ދިން ހަމަލާއެއް ކަމަށް ބުނެ އެ ހަމަލާ އީރާނުގެ ސފީރު ސިފަކުރައްވާފައިވަނީ އިންސާނިއްޔަތާ ޚިލާފު ހަމަލާތަކެއްގެ ގޮތުގައެވެ. އަދި އެއީ އީރާނުގެ މަގުތަކުގައި ހަމަނުޖެހުން އުފައްދައި، އާންމު ސަލާމަތާއި ރައްކާތެރިކަން ނަގައިލުމުގެ މަކަރުވެރި ރޭވުމުގެ ތެރެއިން ހިނގި ޖަރީމާއެއް ކަމަށް ބުނެ އީރާުން ވަނީ މޮސާޑާ ގުޅުންހުރި ޓެރަރިސްޓް ގްރޫޕުތަކުން އީރާނުގެ މިސްކިތްތަކުގައި ހުޅުޖަހައި، ހޮސްޕިޓަލްތަކާއި، ބޭންކުތަކާއި މެޓްރޯ ސްޓޭޝަންތަކަށް ބޮޑެތި ގެއްލުންތަކެއް ދީފައިވާކަންވެސް ފާހަގަކޮށްފައެވެ.
އިރާނުގެ ހާލަތު ސަރީހަ އިބާރާތުން ސިފަކޮށްދިނުމަށް ފަހު އީރާނު ސަފީރުގެ އެ ޕޯސްޓު ނިންމާލަމުން ނަޝީދުއަށް ސުވާލެއް އަމާޒުކުރައްވާފައިވެއެވެ. އެގޮތުން އެފަދަ ޚާއްސާސު އަދި ނުރައްކާތެރި ހާލަތެއްގައި ނަޝީދު ހުންނަވާނީ ކޮން ފަޅިއެއްގައިތޯ އައްސަވައި ސުވާލެއް އަމާޒުކޮށްފައި ވެއެވެ.
އީރާނުގެ މުޒާހަރާތައް ކޮންޓްރޯލް ކުރުމަށް އެ ޤައުމުގެ އަސްކަރިއްޔާ މިހާރުބވަނީ ނުކުމެ ވަރަށް ބޮޑަށް މުޒާހަރާތައް ކޮންޓްރޯލް ކޮށްފައެވެ.
