އީރާނުގައި ފައިސާގެ އަގު ވެއްޓުމާއި ތަކެތީގެ އަގުތައް ބޮޑުވެފައިވާތީ ސިލްސިލާކޮށް އަންނަނީ މުޒާހަރާތައް ބާއްވަމުންނެވެ. މިހާތަނަށް ވިއްސަކަށް މީހުން މަރުވެފައިވާކަމަށް ވެއެވެ. އޭގެތެރޭގައި ސިފައިންގެ މީހަކު ވެސް ހިމެނެއެވެ.
އީރާން ގައި ކުރަމުންދާ މުޒާހަރާތަކާއި ގުޅޭގޮތުން އީރާނުގެ އަހުލުއްސުންނަތުގެ މައުލަވީ، عبدالحمید ހުކުރު ދުވަހު ޚުޠުބާގައި ވިދާޅުވެފައިވެއެވެ. އީރާނުގެ ރައްޔިތުން ވަނީ ދިރިއުޅުމުގައި އުނދަގޫ ހާލަތުގައި ގޮތް ހުސްވެފައެވެ. ޞުލްޙަވެރި އެއްވުންތައް ބޭއްވުމުގެ ޙައްޤު އީރާނުގެ ރައްޔިތުންނަށް އެބައޮތްކަމަށާއި ސަރުކާރުން ބާރުގެ ބޭނުން ކުރުމުގެ އިޚްތިޔާރު ބޭނުންކޮށްގެން ނުވާނެ ކަމަށެވެ.
އީރާނުގެ ރައްޔިތުން ވަނީ ބަނޑުގައި ހޫނުކަމުގެ ޝިކާރައަކަށްވެފައި ކަމަށާއި، އަދި ބައެއް ވިޔަފާރިވެރިން ވެސް ވަނީ އުނދަގޫ ހާލަތުގައި ކަމަށް ވާއިރު، ސަރުކާރުން ރައްޔިތުންގެ އަޑުއަހައި ފުންކޮށް ވިސްނުމަށް ޚުޠުބާއި ގޮވައިލިއެވެ.
މައުލަވީ ޢަބްދުލްޙަމީދު އިތުރަށް ވިދާޅުވީ އީރާނުން ގެންގުޅޭ ކޫޕަން އުޞޫލަކީ މާކުރީގެ ނިޒާމެއް ކަމަށާއި އެފަދަ ނިޒާމަކަށް ޢަމަލު ނުކުރެވޭނެކަމަށެވެ. އަދި ސަރުކާރުން ބަލަންވީ ޢާއްމުން އެދެނީ ކޮން ކަންތައްތަކަކަށް ތޯ އާއކ ، އެއްވެސް މީހެއްގެ ވިސްނުން ބަދަލުކުރުމަށް އެއްވެސް މީހަކަށް ޢާއްމުންގެ މައްޗަށް މަޖުބޫރު ނުކުރެވޭނެކަމުގައެވެ.
