ރާއްޖޭގެ އެންމެ ކާމިޔާބު އެއް ކްލަބު ކަމަށްވާ ނިއު ރޭޑިއަންޓް ސްޕޯޓްސް ކްލަބުން އަލަށް އެކުލަވާލި އެ ކްލަބުގެ ބީ ޓީމަށް ވިދަމުން އަންނަ އުމައިރު މުޙައްމަދު މުޢިއްޒު ނަގައިފިއެވެ. ޓޭފުޓުބޯލައިގެ އިތުރުން ޓޭބަލް ޓެނިސްގައި ވެސް ހުނަރުވެރި އުމައިރަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދޮށީ ދަރިކަލުންނެވެ.
މި ސްކޮޑުގައި އުމައިރުގެ އިތުރުން، ނިއު ރޭޑިއަންޓްގެ ކުރީގެ މަޝްހޫރު ކުޅުންތެރިން ކަމަށްވާ މުޙައްމަދު ނަޞީރު އަދި އަޙްމަދު ނާޒް (އާކޭ) ގެ ދަރިންވެސް ހިމެނެއެވެ.
ޢުމައިރު ވަނީ ފީފާގެ ރައީސް ޖިއާނީ އިންފަންޓީނޯ ރާއްޖެއަށް ކުރެއްވި ރަސްމީ ދަތުރުފުޅުގައި ކުޅުނު ޚާއްޞަ ފުޓްބޯޅަ މެޗުގައިވެސް ވަރަށް މޮޅަށް ކުޅެފައެވެ.
ނިއުގެ ބީ ޓީމުގެ ކުޅުންތެރިން މިވަގުތު ތަމްރީނުތައް ކުރިއަށް ގެންދަނީ ސީނިއާ ޓީމާއެކުއެވެ.
ނިއުރޭޑިއަންޓުން ބުނީ ކުރިއަށް އޮތް ތަނުގައި އެސިސްޓަންޓް ކޯޗު މުޙައްމަދު ފައިޞަލް (ކޭޓޭ) ގެ ބެލުމުގެ ދަށުން ބީ ޓީމު ވަކި ޕްރޮޖެކްޓެއްގެ ގޮތުގައި ތަރައްޤީ ކުރަމުންދާނެ ކަމަށެވެ.
ޒުވާން ކުޅުންތެރިން ބިނާކުރުމަށް ނިއު ރޭޑިއަންޓުން ފަށާފައިވާ މަސައްކަތުގެ ދަށުން، ޖޫނިއާ ކުޅުންތެރިން ތަމްރީނު ކުރުމަށްޓަކައި އެ ކްލަބުގެ އެކަޑަމީގެ މަސައްކަތްތައްވެސް ވަރަށް އަވަހަށް ފެށުމަށް ވަނީ ރާވާފައެވެ.
