އަލަށް އުފަންވާ ތުއްތު ކުދިންނާއި ބޮޑެތި މީހުންނަށް ޖެހޭ ކެންސަރެއް ސައިންސްވެރިން ހޯދައިފިއެވެ. ބެލްޖިއަމް އަދި އިނގިރޭސިވިލާތް ގެ ސައެންޓިސްޓުން ކުރި ދިރާސާ އަކުން އެނގުނު ގޮތުގައި ތުއްތު ކުދިންނަށް ޖެހޭ މި ކެންސަރާއި އަދި ހަކުރުބައްޔަކީ ވަރަށް މަދުން ނޫނީ ނުފެންނަ ވައްތަރެކެވެ.
މިކަން ދިމާވަނީ ތައްޔާރީ ކާނާ ކެއުމުގެ ސަބަބުން ޓީއެމްއީއެމް167އޭ ކިޔާ ޖީން އަށް ބަދަލު އައުމުންނެވެ. މި ޖީން މުއުޓޭޝަންގެ ސަބަބުން އިންސިއުލިން އުފައްދާ ސެލްތައް ރަނގަޅަށް މަސައްކަތް ނުކުރެއެވެ. ނަތީޖާއެއްގެ ގޮތުން ލޭގައި ހަކުރު ހުންނަ މިންވަރު މަތިވެއެވެ. ބައެއް ތުއްތު ކުދިންނަށް އުމުރުން ހަމަހުގައި ހަކުރުބަލި ޖެހޭއިރު، ބައެއް ފަހަރު ކުޑަކުދިންގެ ސިކުނޑިއާ ގުޅުން ހުރި މައްސަލަތައް ދިމާވެއެވެ. އޭގެތެރޭގައި ބޮލުގެ ސައިޒު ކުޑަވުން ފަދަ މައްސަލަތައް ކުރިމަތިވެއެވެ.
ސައިންސްވެރިން ބުނާ ގޮތުގައި މި ބަލި ޖެހޭ ގިނަ ކުދިންނަށް މި ޖީން ވާރުތަވަނީ މައިންބަފައިންގެ ފަރާތުންނެވެ. ސައެންޓިސްޓުން ގަބޫލުކުރާ ގޮތުގައި މިކަމުގައި ދެވިދާނެ ފަރުވާތަކުގެ ތެރޭގައި އިންސިއުލިން ސެލްތަކުގެ ބަދަލުގައި ސްޓެމް-ސެލް ތެރަޕީ ހިމެނިދާނެ އެވެ.
ހަމައެއާއެކު، ބައިނަލްއަޤްވާމީ އިތުރު ބޮޑު ދިރާސާއަކުން ވެސް ވަނީ ބަންދުކޮށްފައިވާ ނުވަތަ ތައްޔާރީ ކާނާއާ މެދު ކަންބޮޑުވުންތަކެއް އުފައްދާފައެވެ.
ނޭޗާ ކޮމިއުނިކޭޝަންސް ގައި ޝާއިއުކޮށްފައިވާ ދިރާސާއަކުން ދައްކާ ގޮތުގައި އެމީހުން ޗެކުކުރި ލައްކައެއްހާ ކުޑަކުދިންގެ ތެރެއިން ދަޅު، ފުޅި، އަދި ޕެކޭޖްކޮށްފައި ހުންނަ ކާނާ ގެ ސަބަބުން 1،100 އަށް ވުރެ ގިނަ ކުދިންނަށް ހަކުރުބަލި ޖެހުނުއިރު، ގިނައީ އަލްޓްރާ ޕްރޮސެސްޑް ކާނާގެ ސަބަބުން ފެނުނު ބަލިތަކެވެ.
