ޤަޠަރު ބޭސްގައި ތިބި އެމެރިކާ ސިފައިން ބިރުން އެތަން ދޫކޮށް ފިލަން ފަށައިފިއެވެ.
އީރާނުން މެދުއިރުމަތީގައިވާ އެމެރިކާގެ ބޭސްތައް ގޮއްވައިލާނެ ކަމަށް ބުނެ އިންޒަރު ދިނުމާއި ގުޅިގެން ވޮޝިންޓަނުން ނެރުނު އެޑްވައިޒަރީގައި ވަނީ ހުރިހާ އެންމެން މިއަދު އެތަން ދޫކޮށް ދިޔުމަށެވެ.
ޤަޠަރުގައި ހުންނަ އަލް އުދައިދު ވައިގެ މަރުކަޒަކީ މެދުއިރުމަތީގައި ހުންނަ އެމެރިކާގެ އެންމެ ބޮޑު އަސްކަރީ މަރުކަޒެވެ. އެތަނުން، މެދުއިރުމަތީގައި އުޅޭ އެމެރިކާގެ ގާތްގަނޑަކަށް 10،000 ސިފައިންގެ އޮޕަރޭޝަން ބަލަހައްޓައެވެ. މި ފެސިލިޓި އަކީ އެމެރިކާގެ ސެންޓްރަލް ކޮމާންޑްގެ އޮޕަރޭޝަންތަކުގެ މުހިއްމު ކޮމާންޑް ހަބެވެ.
ރޮއިޓާސް އިން ހަވާލާދީ ޑިޕްލޮމެޓުން ބުނާ ގޮތުގައި އެމެރިކާ އާއި އީރާނާއި ދެމެދު ފިތުނަތައް އިތުރުވަމުންދާ ދަނޑިވަޅެއްގައި އަލް އުދައިދު އެއާ ބޭސް ގައި ތިބި އެމެރިކާގެ ސިފައިންނަށް އެ ބޭސް ދޫކޮށް ދިއުމަށް އަންގާފައިވަނީ ސަލާމަތީ ފިޔަވަޅެއްގެ ގޮތުންނެވެ.
