އެމެރިކާ އިން ސައިޒު އޮޅިގެން ނޫޅުމަށާއި، ރަޝިއާ އަށް ގެއްލުމެއް ދީފި ނަމަ އެމެރިކާގެ އަސްކަރީ މަނަވަރު ފައްތާލާނެ ކަމަށް ބުނެ ރަޝިއާ އިން އިންޒާރު ދީފިއެވެ.
ރަޝިއާއިން މިގޮތަށް އިންޒާރު ދިނީ އެމެެރިކާ އިން މިހާރަކަށް އައިސް ދުނިޔޭގެ ކަނޑުގެ ސަރަޙައްދުގައި އެމީހުންގެ ބާރު ގަދަކޮށް، ޤައުމުތަކަށް އަރައިގަންނަން މަސައްކަތް ކުރަމުންދާ ދަނޑިވަޅެއްގައެވެ.
އެމެރިކާގެ މަނަވަރެއް މިހާރުވެސް ވެނެޒުއެލާގެ ކަނޑުގެ ސަރަޙައްދުގައި ޙަރަކާތްތެރިވަމުން އެބަ ދެއެވެ. ރައީސް ޓްރަމްޕުގެ އަމުރަށް އެމެރިކާ ސިފައިން ވެނެޒުއެލާ އަށް ދަތިކުރަމުންދާއިރު، ރަޝިއާއިން ގެންދަނީ ވެނެޒުއެލާ އަށް އެހީތެރިކަން ފޯރުކޮށްދެމުންނެވެ. ބެލެވޭ ގޮތުގައި އެމެރިކާ އިން ސައިޒު އޮޅިގެން ނޫޅުމަށާއި، އަސްކަރީ މަނަވަރު ފައްތާލާނެ ކަމަށް ބުނެ ރަޝިއާ އިން އިންޒާރު ދިން އަސްލު ސަބަބަކީ މިއީއެވެ.
